دارىگەرلەر: الەمدەگى ادامداردىڭ 95 پايىزىنىڭ دەنساۋلىعىندا كىنارات بار
09:40, 13 - ماۋسىم 2015
استانا. قازاقپارات - ۆاشينگتون ۋنيۆەرسيتەتىنىڭ عالىمدارى جەر شارىنداعى تۇرعىنداردىڭ دەنساۋلىق جاعدايىنا تالداۋ جاساپ، ولاردىڭ 5 پايىزىنىڭ عانا دەنى ساۋ دەگەن توقتامعا كەلدى.
الەمدەگى ادامداردىڭ 95 پايىزىنىڭ دەنساۋلىعىندا كىنارات بار، ولاردىڭ شامامەن ۇشتەن ءبىر بولىگى ءبىر ۋاقىتتا 5 جانە ودان كوپ اۋرۋلارعا شالدىققان.
زەرتتەۋگە سايكەس، الەمدەگى ەڭ كوپ تارالعان دەرتتەر قاتارىنا انەميا، كۇيزەلىس جانە ارقا اۋرۋلارىن جاتقىزۋعا بولادى. ولارعا جەردىڭ ءاربىر التىنشى تۇرعىنى شالدىققان. سونداي-اق ەڭ كوپ تارالعان اۋرۋلاردىڭ اراسىندا سۋسامىر، ءتىس جەگىسى، ساقينا (ميگرەن) جانە مويىنداعى اۋرۋلاردى اتاۋعا بولادى، دەپ حابارلايدى ر ي ا نوۆوستي.
مامانداردىڭ ەسەپتەۋىنشە، بالالاردىڭ 60 پايىزعا جۋىعى دۇنيەگە ناۋقاس بولىپ تۋىلادى، نەگىزىنەن بۇل ءۇشىنشى الەم ەلدەرىندە ورىن الاتىن جاعداي.
زەرتتەۋ عاسىردىڭ سوڭعى شيرەگىندە سىرقات جانداردىڭ سانى تەز ءوسىپ جاتقانىن كورسەتتى.