قازاقستانداعى اۆتوموبيل جولدارىنىڭ جالپى ۇزىندىعى 95,9 مىڭ شاقىرىمدى قۇرايدى. «نۇرلى جول» مەملەكەتتىك باعدارلاماسىنىڭ ەكىنشى بەسجىلدىعىندا رەسپۋبليكالىق ماڭىزى بار جولداردىڭ قۇرىلىسى مەن رەكونسترۋكتسياسى اياسىندا 13 جاڭا جوبا ىسكە اسىرىلماق. جاڭا جوبالار شەڭبەرىندە ءتيىستى جۇمىستارمەن جولداردىڭ شامامەن 7 مىڭ شاقىرىمى قامتىلادى.
سونىمەن قاتار، وسى ۋاقىت ىشىندە 14 وتپەلى جوبانى دا جۇزەگە اسىرۋ قاراستىرىلعان. وتپەلى جوبالار اياسىندا پايدالانۋعا بەرىلەتىن جولداردىڭ ۇزىندىعى 3,8 مىڭ شاقىرىمدى قۇرايدى. وسىلايشا، قازاقستاندا 2025 -جىلدىڭ سوڭىنا دەيىن رەسپۋبليكالىق ماڭىزى بار جولداردىڭ 10 مىڭ شاقىرىمىندا قوزعالىس اشىلادى دەپ كۇتىلۋدە.
بۇل 2025 -جىلى جاقسى جانە قاناعاتتاندىرارلىق جاعدايداعى رەسپۋبليكالىق جولداردىڭ ۇلەسىن % 100 دەيىن جەتكىزۋگە مۇمكىندىك بەرەدى. ايتا كەتەيىك، 2020 جانە 2025 -جىلداردىڭ ارالىعىندا جالپى پايدالانىمداعى وبلىستىق جانە اۋداندىق ماڭىزعا يە اۆتوموبيل جولدارىن دامىتۋدى قارجىلاندىرۋعا پاريتەتتى نەگىزدە رەسپۋبليكالىق جانە جەرگىلىكتى بيۋدجەتتەردەن شامامەن 1 تريلليون تەڭگە بولىنەدى. بۇل قارجى ەسەبىنەن جەرگىلىكتى ماڭىزى بار جولداردىڭ 20 مىڭنان استام شاقىرىمى قالپىنا كەلتىرىلمەك. وسى رەتتە جاقسى جانە قاناعاتتاندىرارلىق جاعدايداعى جەرگىلىكتى جولداردىڭ ۇلەسى % 95 جەتكىزىلەدى دەپ جوسپارلانعان.
www.24.kz