يزرايلدە كوروناۆيرۋس اۋرۋى 95,8 پايىزعا تومەندەدى
اقپان ايىندا يزرايل دەنساۋلىق ساقتاۋ مينيسترلىگىنىڭ ەپيدەميولوگيالىق ءبولىمى Pfizer ۆاكتسيناسىنىڭ تيىمدىلىگىنە تالداۋ جاسادى، ونىڭ بارىسىندا ۆاكتسينانىڭ ەكى دوزاسىن العان ادامدارداعى جانە مۇلدە ەكپە سالدىرماعان ادامدارداعى اۋرۋدىڭ دامۋ قاۋپىن سالىستىرىلدى.
جاريالانعان ەسەپكە سايكەس، ۆاكسينانىڭ قىزباعا جانە تىنىس الۋدىڭ كەز كەلگەن پروبلەمالارىنا قارسى تيىمدىلىگى 98 پايىزدى قۇرادى. سونداي-اق، ۆاكسينا اۋرۋحاناعا جاتقىزۋ قاۋپىن 98,9 پايىزعا جانە ءولىم جاعدايىن 98,2 پايىزعا تومەندەتەدى.
تۇتاستاي العاندا، كوروناۆيرۋس تۋدىراتىن اۋرۋدىڭ اۋىر اعىمىن بولدىرماۋدا ونىڭ تيىمدىلىگى 99,2 پايىز دەپ باعالاندى. ستاتيستيكا 13- اقپانعا دەيىن جينالعان مالىمەتتەرگە نەگىزدەلدى، بۇل رەتتە يزرايلدىكتەر ۆاكتسينانىڭ ەكىنشى دوزاسىن 13- اقپانعا دەيىن كەمىندە ەكى اپتا بۇرىن العان.
دەنساۋلىق ساقتاۋ مينيسترلىگىنىڭ حابارلاۋىنشا، زەرتتەۋگە قوسىلعان 1,7 ميلليونعا جۋىق ادام ۆاكتسينانىڭ ەكى دوزاسىن 30- قاڭتارعا دەيىن قابىلداعان. بۇعان دەيىن ەلدىڭ دەنساۋلىق ساقتاۋ مينيسترلىگىنىڭ باس ديرەكتورى شەزي ليەۆي ءيزرايلدىڭ ماقساتى 2021-جىلدىڭ 1-توقسانىنىڭ سوڭىنا دەيىن حالىقتىڭ 60 پايىزعا جۋىعىن ۆاكتسيناتسيالاۋ دەگەن بولاتىن.
سوڭعى مالىمەتتەرگە سايكەس، 8,9 ميلليون يزرايلدىكتىڭ 4,2 ميلليونى ۆاكتسينانىڭ العاشقى دوزاسىن قابىلدادى، ال ەلدىڭ 2,8 ميلليون ازاماتى ەكى دوزانى دا الدى. يزرايل پرەمەر-ءمينيسترى بينيامين نەتانياحۋ سەنبىدە 50 دەن اسقان ازاماتتاردىڭ 95 پايىزى الداعى ەكى اپتا ىشىندە ۆاكتسيناتسيادان وتەدى دەپ مالىمدەدى.