ق ر پرەزيدەنتىنىڭ كەزەكتەن تىس سايلاۋىندا سايلاۋشىلاردىڭ 95,22 پايىزى داۋىس بەردى

استانا. قازاقپارات - ق ر پرەزيدەنتىنىڭ كەزەكتەن تىس سايلاۋىندا سايلاۋشىلاردىڭ 95,22 پايىزى داۋىس بەردى. بۇل تۋرالى بۇگىن ق ر ورتالىق سايلاۋ كوميسسياسىنىڭ ءتوراعاسى قۋاندىق تۇرعانقۇلوۆ ءمالىم ەتتى.

«وبلىستىق، استانا جانە الماتى قالالىق اۋماقتىق سايلاۋ كوميسسيالارىنان الىنعان دەرەكتەر نەگىزىندە ءبىز سىزدەردى ق ر پرەزيدەنتىنىڭ سايلاۋىنا سايلاۋشىلاردىڭ كەلۋىنىڭ قورىتىندى ناتيجەلەرىمەن تانىستىرۋعا مۇمكىندىگىمىز بار. بۇل كورسەتكىش 95,22 پايىزدى قۇرادى. 26- ءساۋىر كۇنگى مالىمەتتەرمەن سالىستىرعاندا، استانا قالاسىنا قاراستى شەتەلدىك ۋچاسكەلەر ەسەبىنەن كوبەيدى»، - دەدى ق. تۇرعانقۇلوۆ.

ونىڭ اتاپ وتۋىنشە، سول سەبەپتى استانا قالاسى بويىنشا سايلاۋشىلاردىڭ كەلۋى 97,18 پايىزدى قۇرادى.

«26- ءساۋىر سايلاۋشىلار وزدەرىنىڭ ايىرىقشا ازاماتتىق ۇستانىمىن، ەلەكتوراتتىق بەلسەندىلىگىن جانە ەلدىڭ بولاشاعى ءۇشىن ساياسي جاۋاپكەرشىلىگىن ايقىن كورسەتتى. ەگەمەن قازاقستان تاريحىندا ءدال وسىنداي بەلسەندىلىك ءبىرىنشى رەت بولىپ وتىر. ناۋقاندى ۇيىمداستىرۋدىڭ جوعارى دەڭگەيىنە بايقاۋشىلار مەن ساراپشىلار كوز جەتكىزىپ، باسا نازار اۋداردى»، - دەدى ق ر و س ك ءتوراعاسى.

اۆتور: مارلان جيەمباي