ءبىلىم گرانتتارىن تاعايىنداۋ كونكۋرسىنا قاتىسۋعا 94 مىڭ تالاپكەر ءوتىنىش بەردى
وتكەن جىلمەن سالىستىراتىن بولساق، 2022-جىلى 80 مىڭ ءوتىنىش قابىلدانعان بولاتىن، دەپ حابارلايدى ق ر عىلىم جانە جوعارى ءبىلىم ءمينيسترى ساياسات نۇربەك تەلەگرام كانالىندا.
مالىمەتكە ساي، ەڭ كوپ تاڭدالعان قالا - الماتى، 38 مىڭ بالا ستۋدەنتتىك شاعىن وتكىزۋ ءۇشىن وڭتۇستىك استانامىزدى تاڭداعان. ەلوردانىڭ وقۋ ورىندارىندا وقۋ ءۇشىن 18 مىڭ ءوتىنىش قابىلدانسا، 6 مىڭ ادام شىمكەنت قالاسىنىڭ ۋنيۆەرسيتەتتەرىندە وقۋعا نيەت بىلدىرگەن.
بىرنەشە جىل قاتارىنان تالاپكەرلەر ەڭ كوپ سۇرانىسقا يە وقىتۋ باعىتتارى بويىنشا تاڭداۋدى وزگەرىسسىز جاساپ جاتىر. وتىنىشتەردىڭ كوپشىلىگى «پەداگوگيكالىق عىلىمدار»، «ينجەنەرلىك، وڭدەۋ جانە قۇرىلىس سالالارى» جانە «اقپاراتتىق-كوممۋنيكاتسيالىق تەحنولوگيالار» سياقتى باعىتتارعا بەرىلدى. قابىلداۋ ناۋقانىنىڭ ناتيجەسىنە سايكەس بولاشاق ءتىس دارىگەرلەرى، ديپلوماتتار، زاڭگەرلەر جانە مۇعالىمدەر اراسىندا ءبىر گرانتتىق ورىنعا ەڭ ۇلكەن كونكۋرس كۇتىلۋدە.
گرانتتار تاعايىنداۋ جونىندەگى شەشىمدى رەسپۋبليكالىق كونكۋرستىق كوميسسيا قابىلدايدى. ونىڭ قۇرامىنا ق ر پارلامەنتىنىڭ دەپۋتاتتارى، مەملەكەتتىك ورگانداردىڭ جانە قوعامدىق ۇيىمداردىڭ وكىلدەرى كىرەدى.
«بارلىق وتىرىستاردى 10- تامىزعا دەيىن وتكىزىپ، گرانت يەگەرلەرىنىڭ ءتىزىمىن جاريالاۋدى جوسپارلاپ وتىرمىز.
ال جوعارى وقۋ ورىندارىنا قابىلداۋ، ادەتتەگىدەي، 25- تامىزدا اياقتالادى» دەپ تۇيگەن ءسوزىن عىلىم ءمينيسترى.