قاريا 94 جاسىندا 15 جىلعا باس بوستاندىعىنان ايرىلۋى مۇمكىن
ول 3681 ادامنىڭ ولىمىنە جاناما بولسا دا جاۋاپتى دەپ ايىپتالىپ وتىر. BBC News تىڭ حابارلاۋىنشا، 94 جاستاعى بۇرىنعى سانيتار ەندى 3 جىلدان 15 جىلعا دەيىن باس بوستاندىعىنان ايىرىلۋى مۇمكىن، دەپ جازادى لەنتا. ر ۋ.
گەرمانيانىڭ شۆەرين قالالىق پروكۋراتۋراسىنىڭ مالىمەتىنشە، ەسىمى اتالماعان ايىپتالۋشى كونتسلاگەردە 1944 - جىلدىڭ 15 - تامىزىنان 14 - قىركۇيەگىنە دەيىن قىزمەت ەتكەن. ايىپتالۋشىنىڭ قورعاۋشىسى ونىڭ كىنالى ەمەستىگىن دالەلدەۋگە تىرىسىپ وتىر.
Bild گازەتى ايىپتالۋشىنىڭ اتى- ءجونىن جاريالادى. باسىلىمنىڭ جازۋىنشا، ونىڭ ەسىمى - حۋبەرت تس. گازەت ونىڭ ەسەس كيىمىمەن تۇسكەن فوتوسۋرەتىن جاريالادى.
حۋبەرت 1920 - جىلى دۇنيەگە كەلگەن. س س- كە مۇشەلىككە جيىرما جاسىندا وتكەن. 1942 جانە 1943 - جىلدارى حۋبەرت تس. زاكسەنحاۋزەن جانە نويەنگاممە لاگەرلەرىندە سانيتار بولىپ جۇمىس ىستەپ، كەيىن وسۆەنتسيمگە (اۋشۆيتس) اۋىستىرىلعان.