بۇعان دەيىن ەلدىڭ دەنساۋلىق ساقتاۋ مينيسترلىگىنىڭ باسشىسى فاحرەتتين كودجا زارداپ شەككەن 68 ادام تۋرالى ايتقان بولاتىن. بۇگىن ولاردىڭ سانى 93 كە جەتتى. ولاردىڭ 14 ءى قالالىق اۋرۋحانالاردا ستاتسيونارلىق دارىگەرلەردىڭ باقىلاۋىنا الىندى.
ءمينيستردىڭ ايتۋىنشا، زارداپ شەككەندەردىڭ كوپشىلىگى ديۋزدجە قالاسىنىڭ تۇرعىندارى. ادامدار ءتۇرلى دەڭگەيدەگى جاراقات العان.
جالپى ديۋزدجەدە جەر سىلكىنىسىنەن 37 ادام زارداپ شەكتى، ىستانبۇلدا – 2، بولۋدا – 14، زونگۋلداكتا – 10، ساكاريادا - 26 جانە بۋرسادا - 4.
تۇركيا ۇكىمەتىنىڭ توتەنشە جاعدايلاردىڭ الدىن الۋ جانە جويۋ باسقارماسىنىڭ (AFAD) جاڭارتىلعان دەرەكتەرىنە سايكەس، ايماقتا جەر سىلكىنىسىنەن كەيىن بارلىعى 212 ءزىلزالا بولدى، ولاردىڭ ەڭ كۇشتىسى 4,3 بالعا جەتكەن.
بۇعان دەيىن تۇركيادا 23- قاراشادا جەرگىلىكتى ۋاقىت بويىنشا تاڭعى ساعات 4:08 دە ريحتەر شكالاسى بويىنشا 5,9 بالدىق جەر سىلكىنىسى بولعانى حابارلانعان بولاتىن. جەراستى دۇمپۋلەرىنىڭ وشاعى ەلدىڭ سولتۇستىك-باتىسىنداعى ديۋزدجە قالاسىندا ورنالاسقان.