كەنتاۋدا فاست- فۋدتان ۋلانعاندار سانى 92 گە جەتتى
كەنتاۋ قالاسىندا ورنالاسقان «ريزىق- راۋانى» فاست- فۋد ورتالىعىندا تاماقتان ۋلانعاندار سانى 92 گە جەتتى. ولاردىڭ ىشىندە 14 جاسقا تولماعان 40 ءجاسوسپىرىم، 3 جۇكتى ايەل بار.
قازىرگى كەزدە اتالعان جاعداي نەگىزىندە كەنتاۋ قالالىق پوليتسيا ءبولىمى قىلمىستىق ءىس قوزعاپ، سوتقا دەيىنگى تەرگەپ- تەكسەرۋ جۇرگىزىپ جاتىر.
جالپى دەنە قىزۋى جوعارىلاعانىن، قۇسىپ، ءىشىنىڭ وتكەنىن ايتىپ شاعىمدانعان تۇرعىندار 27- ماۋسىمنان باستاپ اۋرۋحاناعا تۇسە باستاعان. ولاردىڭ بارلىعى ءبىر ءدامحانادان تاماق جەگەن.
اتالعان تاماقتانۋ ورنىندا جاپپاي ۋلانۋ جاعدايى وسىمەن 3- رەت تىركەلىپ وتىر. وتكەن جىلدىڭ تامىز ايىندا 8 ادام، قازان ايىندا 168 ادام فاست- فۋدتان ۋلانىپ قالعان بولاتىن. ال، بۇل جولى 92 ادام زارداپ شەكتى.
سانيتاريالىق- ەپيدەميولوگيالىق باقىلاۋ قىزمەتى تاراپىنان زاڭ اياسىندا ءتيىستى شارالاردا قابىلدانعان.
ءبىرىنشى جاعدايدا جەكە كاسىپكەرگە 230 ا ە ك ايىپپۇل سالىنىپ، قۇقىق بۇزۋشىلىقتى جويۋ تۋرالى ۇيعارىم بەرىلگەن.
ەكىنشى جاعدايدا ق ر قىلمىستىق كودەكسىنىڭ 304-بابى 1-بولىگىمەن كەنتاۋ قالالىق پوليسيا بولىمىمەن سوتقا دەيىنگى تەرگەپ- تەكسەرۋ بويىنشا قىلمىستىق ءىس قوزعالعان. قىلمىستىق ءىستىڭ قاۋلىسى نەگىزىندە سەبەب تاراپىنان جوسپاردان تىس تەكسەرۋ تاعايىندالىپ، ناتيجەلەرىندە كوپتەگەن كەمشىلىكتەر انىقتالعان.
قوعامدىق تاماقتانۋ ورنىنىڭ يەسى كۇدىكتى رەتىندە تانىلىپ، ونىڭ ءىس ارەكەتىندە قىلمىستىق قۇقىق بۇزۋشىلىقتىڭ قۇرامى بار دەپ تانىلعان. دەگەنمەن، جابىرلەنۋشىلەرمەن تاتۋلاسۋىنا بايلانىستى، قىلمىستىق ءىس توقتاتىلعاندىعى جونىندە كەنتاۋ قالالىق پوليتسيا ءبولىمى قاۋلى شىعارعان.
سودان كەنتاۋ قالالىق سانيتاريالىق- ەپيدەميولوگيالىق باقىلاۋ باسقارماسى تاراپىنان قوعامدىق تاماقتانۋ ورنىنىڭ يەسى جەكە كاسىپكەر ج. تاجيباي ۇلىنا اكىمشىلىك قۇقىق بۇزۋشىلىق تۋرالى حاتتاما تولتىرىلىپ، ءىس- قۇجاتتار كەنتاۋ قالالىق سوتىنا جولدانعان.
وسى 3 جاعدايدى نەگىزگە العان كەنتاۋ قالالىق پوليتسيا ءبولىمى ق ر قىلمىستىق كودەكسىنىڭ 304-بابى 1-بولىگىمەن سوتقا دەيىنگى تەرگەپ- تەكسەرۋ بويىنشا قىلمىستىق ءىس قوزعادى. ناتيجەسىندە كوپتەگەن كەمشىلىكتەر انىقتالدى.
«نىسان قىزمەتكەرلەرى الدىن الا پروفيلاكتيكالىق مەديتسينالىق تەكسەرۋدەن تولىق وتپەگەن. جۇمىس جاسايتىن 20 قىزمەتكەردىڭ تەك 12 دە عانا مەديتسينالىق كىتاپشالارى بار. شيكىزات پەن ءونىمنىڭ قاۋىپسىزدىگىن كۋالاندىراتىن قۇجاتتارى تولىق ەمەس، ونىمدەردى ساقتاۋ كەزىندە ولاردىڭ تاۋارلىق كورشىلەستىگى ساقتالماعان، ياعني ەت ونىمدەرى، قۇس ەتى ونىمدەرى، ءسۇت ونىمدەرى، كوكونىستەر مەن جەمىستەر، بارلىعى ءبىر توڭازىتقىشتا ارالاسا ساقتالعان. قىزمەتكەرلەردىڭ جەكە جانە ارنايى كيىمدەرىن، جەكە زاتتارىن ساقتاۋعا ارنالعان ورىن قاراستىرىلماعان. جۇمىرتقانى ساقتاۋعا، جۋىپ وڭدەۋگە ارنالعان ارنايى ىدىس بولىنبەگەن، ونىمدەردىڭ جارامدىلىق مەرزىمدەرى وتكەن. زەرتحانالىق زەرتتەۋگە الىنعان سىنامالار جۇمىس ۇستىندە»- دەلىنگەن تۇركىستان وبلىسى سانيتاريالىق- ەپيدەميولوگيالىق باقىلاۋ دەپارتامەنتىنىڭ باسپا ءسوز قىزمەتى تاراتقان اقپاراتتا.
ايتا كەتەيىك، بۇدان الدىن كەنتاۋدا ءدامحاناداعى استان 58 ادام ۋلانىپ قالعانىن جازعان بولاتىنبىز.