بۇل جايىندا Finprom.kz پورتالى جازدى، دەپ حابارلايدى قازاقپارات ءتىلشىسى.
2021-جىلدىڭ قاڭتار-جەلتوقسانىندا دەنساۋلىق ساقتاۋعا ارنالعان مەملەكەت بيۋجەتىنىڭ شىعىستارى ءبىر جىل ىشىندە 15,5 پايىزعا ارتىپ، 2,3 تريلليون تەڭگەگە دەيىن جەتتى. دەگەنمەن، وسى جىلدىڭ 1-توقسانىندا سەكتورداعى شىعىستار 518,1 ميلليارد تەڭگەنى قۇرادى.
وسى جىلدىڭ 1-توقسانىندا ەلدىڭ جالپى ىشكى ونىمىندەگى دەنساۋلىق ساقتاۋ سالاسىنا باعىتتالعان مەملەكەتتىك بيۋجەت شىعىستارىنىڭ ۇلەسى 2,8 پايىز بولدى. ال 2021-جىلى 2,7 پايىز ەدى. سونداي-اق وتكەن جىلدىڭ 12 ايىندا دەنساۋلىق ساقتاۋ سالاسىندا كورسەتىلگەن قىزمەتتەردىڭ كولەمى جىل ىشىندە 53,2 پايىزعا ارتىپ، 2,7 تريلليون تەڭگەگە جەتتى.
قىزمەتتەردىڭ باسىم بولىگى بيۋجەت ەسەبىنەن كورسەتىلدى:
2,1 تريلليون تەڭگە، جىل ىشىندە 50,6 پايىز بولدى. وڭىرلەر اراسىندا قىزمەتتىڭ باسىم بولىگى الماتى قالاسىندا (469 ميلليارد تەڭگەگە) كورسەتىلدى.
بۇل كورسەتكىش ءبىر جىل بۇرىنعى دەرەكتەن 60,4 پايىزعا ارتىق. ۇزدىك ۇشتىكتەر قاتارىندا استانا (467,6 ميلليارد تەڭگە) مەن الماتى وبلىسى (184,1 ميلليارد تەڭگە) بار.
ال ەڭ از قىزمەت سولتۇستىك قازاقستان وبلىسىندا كورسەتىلگەن:
66,1 ميلليارد تەڭگە، جىل ىشىندە 31,7 پايىز.
2022-جىل ءساۋىرىنىڭ قورىتىندىسىندا امبۋلاتورلىق قىزمەتتەر قۇنى اي ىشىندە 2,2 پايىزعا، جىل باسىنان بەرى 8,4 پايىزعا، ال جىل ىشىندە 11,9 پايىزعا ءوستى. ايلىق ديناميكادا مامان- دارىگەرلەردىڭ امبۋلاتوريالارداعى قىزمەتى - 0,7 پايىزعا، مەديتسينالىق زەرتحانالار مەن رەنتگەن كابينەتتەرىنىڭ قىزمەتى - 1 پايىزعا، دارىگەرلەردىڭ العاشقى قابىلداۋى - 2,1 پايىزعا، ستوماتولوگيالىق قىزمەتتەر 3,7 پايىزعا قىمباتتادى.
جىلدىق ديناميكادا مەديتسينالىق زەرتحانالار مەن رەنتگەن كابينەتتەرىنىڭ قىزمەتى - 9,6 پايىزعا، دارىگەرلەردىڭ العاشقى قابىلداۋى - 14 پايىزعا، ستوماتولوگيالىق قىزمەتتەر - 11,6 پايىزعا، مامان- دارىگەرلەردىڭ امبۋلاتوريالارداعى قىزمەتى 12,9 پايىزعا كوتەرىلدى. COVID-19 پاندەمياسى كەزىندە ەلىمىزدىڭ دەنساۋلىق ساقتاۋ جۇيەسى ءبىرقاتار تەرىس فاكتورلارمەن بەتپە-بەت كەلدى.
وسىدان كەيىن ەپيدەميولوگيالىق بولجاۋ جانە قارسى ارەكەت ەتۋدىڭ زاماناۋي جۇيەسىن قالىپتاستىرۋعا باعىتتالعان جۇمىستار كۇشەيتىلدى.
2021-جىلى الەم ەلدەرىنىڭ ەپيدەمياعا قارسى شۇعىل ارەكەت ەتۋ جانە تارالۋىن تەجەۋ رەيتينگىندە قازاقستان 195 مەملەكەتتىڭ ىشىندە 92-ورىنعا تۇراقتادى.
ەلىمىزدىڭ يندەكسى 100 بالدىڭ ىشىندە نە ءبارى 36,5 بالدى جيناي الدى.
ارمەنيا، رەسەي جانە بەلارۋستاعى جاعداي قازاقستانعا قاراعاندا ءبىرشاما جاقسى. ال مولدوۆا، قىرعىزستان، ازەربايجان، تاجىكستان، وزبەكستان، ۋكراينا جانە تۇرىكمەنستانداعى احۋال ايتارلىقتاي تومەن.
رەيتينگتە فينليانديا، تايلاند جانە ا ق ش كوش باستاسا، ەڭ سوڭعى ورىندا سولتۇستىك كورەيا تۇر.