شەتەلدە تۇراتىن 92 قازاقستاندىق ۋاقىتشا تىركەۋدى راسىمدەدى
بۇل قىزمەت بويىنشا ءبىر جەرگە 1 ايدان 48 ايعا دەيىن ۋاقىتشا تىركەلە الادى، بۇدان باسقا تۇراقتى مەكەنجايى ساقتالادى.
بۇل تۋرالى «ۇلتتىق اقپاراتتىق تەحنولوگيالار» ا ق باسپا ءسوز قىزمەتى حابارلايدى.
«5 اقپاراتتىق جۇيەنىڭ («جەكە تۇلعالار» م د ق، «جىلجىمايتىن مۇلىك تىركەلىمى» م د ق، «مەكەنجاي تىركەلىمى» ا ج، «حالىقتى قۇجاتتاندىرۋ جانە تىركەۋ» تىركەۋ پۋنكتى» ا ج، «ەلەكتروندىق ۇكىمەت پورتالى» ا ج) ينتەگراتسياسىنىڭ ارقاسىندا قازىرگى ۋاقىتتا ازاماتتار ونلاين رەجيمدە نەبارى 15 مينۋت ىشىندە ۋاقىتشا تىركەۋ قىزمەتىن راسىمدەي الادى» دەلىنگەن حابارلامادا.
2017 -جىلى ەلەكتروندىق ۇكىمەتتىڭ پورتالى ارقىلى ۋاقىتشا تىركەۋگە بارلىعى 30746 ادام تىركەلگەن. ولاردىڭ H - ەرلەر، R - ايەلدەر. اتالعان قىزمەتتى پايدالانعان ادامداردىڭ ىشىندەگى ەڭ جاسى 16 جاسار استانا قالاسى الماتى اۋدانىنىڭ تۇرعىنى. ال ەرەسەك ادامداردىڭ وسى قىزمەتتى پايدالانۋشىلاردىڭ ىشىندەگى ەڭ جاسى ۇلكەنى - 94 جاستاعى قاريا بولىپ شىقتى (الماتى قالاسى، مەدەۋ اۋدانى). مۇنىمەن قوسا 92 ازامات شەتەلدەن قازاقستانداعى تۇرعىلىقتى جەرى بويىنشا ۋاقىتشا تىركەۋدى راسىمدەگەن.
ۋاقىتشا تىركەۋ قىزمەتىن پايدالانۋ ءۇشىن ارىز بەرۋشى مەن تۇرعىن ءۇي يەسىنىڭ قولدانۋ كۇشى بار (مەرزىمى وتپەگەن) ە س ق بولۋى جانە eGov.kz پورتالىندا تىركەلۋى شارت. ۋاقىتشا تىركەۋگە تۇرۋ قىزمەتى «ازاماتتىق، كوشى-قون جانە كوشىپ- كەلۋ» ءبولىمىنىڭ «حالىقتى تىركەۋ جانە تىركەۋ ەسەبىنەن الىپ تاستاۋ» بولىمشەسىندە قولجەتىمدى. بولىمشەدە كورسەتىلگەن نىساندا (فورمادا) قاجەتتى دەرەكتەردى دۇرىس تولتىرۋ قاجەت. قىزمەت تەگىن. ۋاقىتشا تىركەۋگە تۇرۋ قىزمەتىنىڭ ناتيجەسىن مەكەنجاي انىقتاماسىن سۇراتۋ ارقىلى تەكسەرۋگە بولادى.
ۋاقىتشا تىركەۋ قىزمەتىن پايدالانۋ نۇسقاۋلىعى مىنا سىلتەمەدە ورانالاسقان.