مارافونعا 92 جاستاعى اجە قاتىستى
09:18, 01 - ماۋسىم 2015
استانا. قازاقپارات - امەريكا تۇرعىنى حارريەت تومپسون الەمدە مارافوننان جۇگىرىپ وتكەن ەڭ قارت ايەل اتاندى.
92 جاسىندا ول جەكسەنبى كۇنى كاليفورنيانىڭ سان-ديەگو قالاسىندا وتكەن 42 شاقىرىمعا جۇگىرۋگە قاتىستى، دەپ حابارلايدى NBC تەلەارناسى.
«تومپسون 42 شاقىرىم جانە 195 مەتر قاشىقتىقتى 7 ساعات، 24 مينۋت، 36 سەكۋندتا باعىندىردى»، - دەلىنگەن تەلەارنانىڭ حابارلاماسىندا. سونداي-اق بۇل قارت ايەلدىڭ ەسەبىندەگى 16- مارافون بولعانى تۋرالى دا ايتىلعان.