«11 مىڭ شاقىرىمنان استام اۆتوجولدىڭ ىشىندە رەسپۋبليكالىق ماڭىزى بار 7 مىڭ شاقىرىم جانە جەرگىلىكتى ماڭىزعا يە 4,6 مىڭ شاقىرىم جول بار. سونىمەن قاتار 4 مىڭ شاقىرىم رەسپۋبليكالىق ماڭىزى بار جول قايتا جوندەلىپ جاتىر. ونىڭ 1,2 مىڭ شاقىرىمىن جۋىردا اياقتايمىز. كۇردەلى جانە ورتاشا جوندەۋمەن شامامەن 3 مىڭ شاقىرىم جول قامتىلدى، سونىڭ 900 شاقىرىمىن جوندەۋ اياقتالادى. جەرگىلىكتى ماڭىزعا يە اۆتوجولدارعا كەلسەك، 4,6 مىڭ شاقىرىم جول قايتا جوندەۋدەن ءوتىپ جاتىر»، - دەدى تولەگەن ابدۋللين ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
ونىڭ ايتۋىنشا، جىل قورىتىندىسى بويىنشا رەسپۋبليكالىق جولداردىڭ ، ال جەرگىلىكتى كولىك جولدارىنىڭ نورماعا ساي بولادى.
«جولداردى رەكونسترۋكتسيالاۋ بويىنشا 17 جوبا ىسكە اسىپ جاتىر. اتاپ ايتساق، مەملەكەت باسشىسىنىڭ تاپسىرماسى بويىنشا بيىل 72 شاقىرىم بولاتىن «پودستەپنوە - فەدوروۆكا» اۆتوجولىنىڭ ەكى ۋچاسكەسىن رەكونسترۋكتسيالاۋدى باستادىق. وعان 6 ميلليارد تەڭگە ءبولىندى. قالعان 2 ۋچاسكەگە قاراجات تارتۋ جاعى پىسىقتالىپ جاتىر»، - دەيدى ول.
بۇعان دەيىن حابارلاعانىمىزداي، 1- قاراشادا اقىلى اۆتوجولداردان قازىناعا 25 ميلليارد تەڭگە پايدا ءتۇستى.