«بۇگىن مىنە، قالامىزعا ءار بەرەتىن ايشىقتى نىساندار قاتارى ايبىندى تۋتۇعىر الاڭىمەن تولىقتى. كوك بايراعىمىز كوكپەن ۇشتاستى. ءوز داۋىرىندە داڭقتى بابالارىمىز ءبورىلى بايراق ۇستاپ، باعانالى وردا قۇرعان. سوندىقتان، تۋ ءبىز ءۇشىن - قانىمىزدا قايناعان نامىس، رۋحتى كوتەرەتىن قۇدىرەت. اتامەكەنىمىزدىڭ تورىنە الىپ تۋ تىگۋ - ءبىز ءۇشىن اسقان ابىروي، زور مارتەبە. قالامىزدىڭ كوركىن اشقان بايراعىمىز ءوڭىرىمىزدىڭ ايبىنىن اسقاقتاتا تۇسەرىنە سەنەمىن»، - دەدى اتىراۋ وبلىسىنىڭ اكىمى ماحامبەت دوسمۇحامبەتوۆ.
تۋتۇعىردىڭ بيىكتىگى - 91 مەتر. الىپ تۋدى ۇنەمى كورىنىپ تۇرۋى ءۇشىن قولمەن نەمەسە ەلەكتر جەتەگىمەن كوتەرەتىن كوپ قىرلى بولاتتان جاسالعان دوڭگەلەك كونۋستىق تىرەگى بار. ۇزىندىعى 80 مەترلىك ءتۋتۇعىر كومپوزيتسياسى سۋبۇرقاق پەن دوعا ءپىشىندى كومپوزيتسيادان تۇرادى. كومپوزيتسيانىڭ ورتا تۇسىندا قولادان جاسالعان قازاقستان رەسپۋبليكاسىنىڭ كارتاسى، جوعارى جاعىندا ەلتاڭبا، ال شەتكى بولىكتەرىندە ءانۇران جازىلعان. كونۋس ءپىشىندى تۋتۇعىرعا كولەمى 29ح14,5 مەتر بولاتىن تۋ ءىلىندى. ەندى ەلىمىزدىڭ مەملەكەتتىك رامىزدەرى ورنالاسقان الاڭدا ماڭىزدى سالتاناتتى شارالار وتەتىن بولادى.
«كومپانيانىڭ مىقتىلىق، مولشىلىق پەن بەيبىتشىلىك، سونداي- اق 2021 -جىلدىڭ جاقسىلىعى كوپ بولسىن دەپ تىلەيمىن. وسىناۋ ەڭسەلى تۋتۋعىر ۇدايى بيىكتە جەلبىرەپ تۇرسىن»، - دەدى «تەڭىزشيەۆرويل» ج ش س باس ديرەكتورى يمەر بوننەر.
اتالعان تۋتۇعىر قۇرىلىسى «تەڭىزشيەۆرويل» جشس دەمەۋشىلىگىمەن «يگىلىك» باعدارلاماسى اياسىندا جۇزەگە اسقان.
«ەڭ الدىمەن ساپانى باقىلاۋ شارالارى كۇشەيتىلدى. جاڭارتىلعان تۋتۇعىردى شەتەلدەن كەلگەن بىرنەشە مامان قايتا تەكسەرىپ شىقتى. سونداي- اق ا ق ش ينجەنەرلەرى تۇعىردىڭ كومپيۋتەرلىك مودەلىن جاساپ، ءوڭىردىڭ اۋا- رايىنا، اتموسفەرا مەن جەلدىڭ جىلدامدىعىنا قاتىستى توزىمدىلىگىن سىناپ كوردى. تەحنيكالىق قىزمەت كورسەتۋدىڭ ەڭ ءقاۋىپسىز نۇسقاۋلارىن انىقتادى»، - دەدى «كاستادور» ج ش س- ءنىڭ جوبا مەنەدجەرى ەدۆارد يل.
تۋتۇعىر اينالاسىنداعى 6500 شارشى مەترگە جاسىل گۇلزارلار، 8500 بۇتالى كوشەتتەر، 44 قىلقان جاپىراقتى جانە 70 جاپىراقتى كوشەت ەگىلەدى. مونۋمەنتكە ىرگەلەس اۋماق راۋشان گۇلىمەن بەزەندىرىلەدى. جاسىل جەلەكتەردى سۋارۋ ءۇشىن داتچيكتەرمەن جابدىقتالعان اۆتوماتتاندىرىلعان جۇيە قولدانىلادى. بۇل ميلليليتر دالدىگىمەن وسىمدىكتەرگە قاجەتتى سۋ مولشەرىن انىقتاپ، ونى تىكەلەي كوشەتتەردىڭ تامىرىنا جەتكىزەدى.