دەرتكە شالدىققانداردىڭ باسىم بولىگى قىتايدا. ءبىراق وڭتۇستىك كورەيا، يران، يتاليادا دا ۆيرۋستى جۇقتىرعانداردىڭ قاراسى ارتقان.
مىسالى، وڭتۇستىك كورەيادا ناۋقاستاردىڭ قاتارى 5 مىڭعا جۋىقتاپ قالدى. ىندەتتىڭ تەز تارالۋىنا بايلانىستى دۇنيەجۇزىلىك دەنساۋلىق ساقتاۋ ۇيىمى الاڭداۋشىلىعىن ءبىلدىرىپ، الەم مۇنداي كەسەلمەن العاش رەت كەزدەسىپ وتىرعانىن جەتكىزدى.
تەدروس ادحانوم گەبرەيەسۋس، دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى:
- الەم مۇنداي ۆيرۋس بۇرىن-سوڭدى بولماعان. سوندىقتان بۇدان ارى قالاي ارەكەت ەتۋ كەرەكتىگىن بىلە الماي وتىرمىز. سەبەبى، ءبىز قازىرگىدەي تەز تارالاتىن ءارى اۋرۋدىڭ ينكۋباتسيالىق كەزەڭى ۇزاق بولاتىن ۆيرۋستى ەشقاشان كەزىكتىرگەن ەمەسپىز. ءبىراق بۇل قاۋىپتى دەرتتىڭ جاپپاي تارالۋىنا توسقاۋىل قويۋعا بولادى دەپ ويلايمىز.