اتىشۋلى «91» توبىنىڭ پروديۋسەرى «قازاقستان» ارناسىنداعى جاڭا رەاليتي-شوۋعا جەتەكشىلىك ەتەدى
14:40, 26 - اقپان 2018
استانا. قازاقپارات - اتىشۋلى «91» توبىنىڭ پروديۋسەرى ەربولات بەدەلحان «Qazaqstan» ۇلتتىق تەلەارناسىندا جاڭا رەاليتي-شوۋدى باستاعالى وتىر، دەپ حابارلايدى «قازاقپارات» ح ا ا ءتىلشىسى.
«ءبىزدىڭ جاس اۋديتورياعا دايىنداپ وتىرعان ارنايى سىيىمىز بار. وزدەرىڭىز بىلەتىندەي، سوڭعى جىلدارى ەلىمىزدە قازىرگى زامانعى قازاق مۋزىكاسىنىڭ ءتۇرلى باعىتتارى كەڭ دامۋدا. سونىڭ ءبىرى - q-pop باعىتى. وسى باعىت بويىنشا ءبىز ارنايى دايىنداعان جوبامىز بار»، - دەدى «قازاقستان» ر ت ر ك» ا ق باسقارما ءتوراعاسى ەرلان قارين «قازمەديادا» وتكەن باسپا ءسوز ءماسليحاتىندا.
ونىڭ ايتۋىنشا، رەاليتي شوۋعا بەلگىلى پروديۋسەر، مۋزىكانت ەربولات بەدەلحان جەتەكشىلىك ەتەدى.
«ەربولات بەدەلحاننىڭ جەتەكشىلىگىمەن قىزدار اراسىنداعى q-pop باعىتى بويىنشا ورىنداۋشىلاردى ىرىكتەۋگە باعىتتالعان رەاليتي-شوۋ ەفيرگە ەنەتىن بولادى»، - دەدى ول.
جاستارعا ارنالعان جاڭا رەاليتي- شوۋ «Q-pop Idols» دەپ اتالماق.