وڭىرلەردە قانداستاردى قابىلداۋ بويىنشا كۆوتا 90 پايىز ورىندالدى
مۇنداي دەرەكتەر ق ر ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتىنىڭ ءتوراعاسى اسقاربەك ەرتايەۆتىڭ توراعالىعىمەن وڭىرلەردىڭ جۇمىسپەن قامتۋ جانە الەۋمەتتىك باعدارلامالار باسقارماسى باسشىلارىنىڭ قاتىسۋىمەن وتكەن كوشى-قون ساياساتى ماسەلەلەرى جونىندەگى كەڭەستە ايتىلدى.
كەڭەستە سۇرانىسقا يە كاسىپتەر بويىنشا شەتەلدىك جۇمىس كۇشىن تارتۋ، ەتنيكالىق قازاقتارعا «اتا جولى» كارتاسىن بەرۋ جانە ىشكى ۇتقىرلىق جونىندەگى شارالاردى ىسكە اسىرۋ ماسەلەلەرى تالقىلاندى.
اباي، قوستاناي جانە شىعىس قازاقستان وبلىستارىندا قونىس اۋدارۋشىلار بويىنشا جوسپاردىڭ ورىندالۋى جوعارى دەڭگەيدە بولسا، تومەنگى دەڭگەي ۇلىتاۋ وبلىسىندا (28,3 پايىز دەڭگەيىندە) بايقالدى. ەكونوميكالىق ۇتقىرلىق بويىنشا سەرتيفيكاتتار بەرۋدە تومەن كورسەتكىش قاراعاندى (1 سەرتيفيكات بەرىلدى) جانە اقمولا وبلىستارىندا (4 سەرتيفيكات بەرىلدى) بايقالادى.
كەڭەس قورىتىندىسى بويىنشا جۇمىسپەن قامتۋ جانە الەۋمەتتىك باعدارلامالار باسقارمالارىنا شەتەلدىك جۇمىس كۇشىن تارتاتىن جۇمىس بەرۋشىلەرمەن اقپاراتتىق-ءتۇسىندىرۋ جۇمىستارىن جانداندىرۋدى ۇسىندى.