مەملەكەت باسشىسى تۇتىنۋ نەسيەلەرىنىڭ شامادان تىس ارتۋىنا جول بەرمەۋدىڭ ماڭىزدىلىعىنا توقتالدى.
«وكىنىشكە قاراي، بەيسانالى تۇتىنۋ ەلەۋلى تەڭگەرىمسىزدىكتەرگە اكەلۋى مۇمكىن، ولاردىڭ بەلگىلەرىن بيىل عانا كورىپ وتىرعان جوقپىز.
بۇگىندە پروبلەمالىق نەسيەلەر كولەمى جارتى تريلليون تەڭگەگە جەتتى. ميلليوننان استام ادام ءوز مىندەتتەمەلەرىن ورىنداي الماي وتىر. ولاردىڭ كوبى ۇمىتسىزدىكتەن ەسكى نەسيەنى وتەۋ ءۇشىن جاڭاسىن الۋعا ءماجبۇر. سوندىقتان 2023 -جىلعى 1- قاڭتاردان باستاپ «جەكە تۇلعالاردى وڭالتۋ جانە ولاردىڭ بانكروتتىعى تۋرالى» زاڭ ىسكە قوسىلۋعا ءتيىس»، - دەدى پرەزيدەنت.
مەملەكەت باسشىسىنىڭ ايتۋىنشا، كەپىلسىز ونلاين- ميكروكرەديتتەردى قاتاڭ رەتتەۋ قاجەت.
«كەيبىر ەلدەردە وعان تولىق تىيىم سالىنعان. بۇل تاجىريبەنى زەرتتەۋ كەرەك. 90 كۇننەن استام مەرزىمى وتكەن بەرەشەگى بار قارىز الۋشىلاردى جاڭا مىندەتتەمەلەر قابىلداۋدان اراشالاۋ تەتىگىن ويلاستىرۋ قاجەت. جاقىن ارادا مەن ءتيىستى جارلىققا قول قويامىن»، - دەدى قاسىم- جومارت توقايەۆ.
ۇكىمەت بيىل ەلىمىز تاپ بولعان سىن- قاتەرلەرگە قارسى ءتيىمدى جۇمىس ىستەي المادى.
«ءسوزىمنىڭ سوڭىندا تاعى ءبىر ماڭىزدى ماسەلەگە توقتالعىم كەلەدى. اشىعىن ايتۋىمىز كەرەك، ۇكىمەت بيىل ەلىمىز تاپ بولعان سىن- قاتەرلەرگە قارسى ءتيىمدى جۇمىس ىستەي المادى. قويىلعان مىندەتتەر تولىققاندى ورىندالعان جوق. ال كەيبىر باعىتتار بويىنشا مۇلدە جۇمىس جاسالعان جوق. مىسالى، ابدەن ەسكىرگەن، قاجەتى جوق نورماتيۆتىك اكتىلەردى جويۋ كەرەك ەكەنى وسىعان دەيىن دە بىرنەشە رەت ايتىلدى، ۇكىمەتكە ءتيىستى تاپسىرمالار دا بەرىلدى. سونىڭ كەسىرىنەن مينيسترلەر جانە مەكەمە باسشىلارى وزدىگىنەن ارەكەت ەتىپ، جەدەل شەشىم قابىلداي المايدى»، - دەدى مەملەكەت باسشىسى.
پرەزيدەنتتىڭ پايىمىنشا، بىتپەيتىن جينالىستارعا، قۇجاتتى كەلىسۋ جۇمىسىنا وتە كوپ ۋاقىت كەتەدى. مينيسترلىك جانە ۇلتتىق كومپانيا باسشىلارى ناقتى شەشىم قابىلداۋعا كەلگەندە، وزدەرىنە جاۋاپكەرشىلىك الۋدان باستارىن الىپ قاشادى.
«ال تۇتاس ەلدىڭ، حالىقتىڭ تاعدىرى سول ماڭىزدى شەشىمگە بايلانىستى بولىپ جاتاتىنى، وكىنىشكە قاراي، ەسكەرىلمەيدى. ۇكىمەت پەن پرەزيدەنت اكىمشىلىگى اراسىنداعى ءوزارا ءىس- قيمىل دۇرىس جولعا قويىلماعان»، - دەدى قاسىم- جومارت توقايەۆ.
اۆتور
مارلان جيەمباي