بۇل تۋرالى بەيسەنبى كۇنى مەتروپوليتەن اكىمشىلىگى «ۆەيبو» الەۋمەتتىك جەلىسىندە ءمالىم ەتتى، دەپ حابارلايدى قازاقپارات مەنشىكتى ءتىلشىسى.
بۇعان دەيىن حابارلانعانداي، 4- مامىردا بەيجىڭ مەتروپوليتەنىنىڭ اكىمشىلىگى 60 مەترو ستانتسياسىن جاپقان.
بۇل شارالار ىندەتتىڭ الدىن الۋ جانە باقىلاۋ قاجەتتىلىگىنەن تۋىندايدى. بەيجىڭ بيلىگى قىتاي استاناسىندا لوكداۋن ەنگىزۋ تۋرالى اقپاراتتى جوققا شىعاردى.
«قالانى جابۋ تۋرالى حابارلاما جالعان. دۇربەلەڭگە بوي الدىرماڭىزدار، استاناداعى ومىرگە ەش زيان كەلمەيدى، الەۋمەتتىك ءومىر بۇرىنعىداي جالعاسا بەرەدى» ، - دەدى بەيسەنبىدە استانا اكىمشىلىگىنىڭ باسپا ءسوز حاتشىسى سيۋي حەتسزيان باسپا ءسوز بريفينگىندە.
سونىمەن قاتار، ەلوردالىق چاويان اۋدانىنىڭ بيلىگى تۇرعىنداردى جاساندى دۇرلىكپە تۋدىرماۋعا شاقىرىپ، ازىق-تۇلىكتىڭ جەتكىلىكتى قورى بار ەكەنىن اتاپ ءوتتى.
بۇعان قوسا، قىتاي استاناسىنىڭ تۇرعىندارىن كوروناۆيرۋسقا سكرينينگ جانە تەستىلەۋ جالعاسىپ جاتىر. جۇمادان باستاپ بەيجىڭنىڭ 12 اۋدانىندا COVID-19 جاپپاي تەستىلەۋدىڭ ءۇشىنشى كەزەڭى باستالادى.
رەسمي مالىمەت بويىنشا، وتكەن تاۋلىكتە 36 ادامنىڭ كوروناۆيرۋس جۇقتىرعانى انىقتالدى.
جالپى، 22- ساۋىردەن باستاپ قىتاي استاناسىندا 928 جاعداي تىركەلدى.