بۇل تۋرالى «قازاقستاننىڭ ورنىقتىلىق قورىنان» ءمالىم ەتتى، دەپ حابارلايدى قازاقپارات ءتىلشىسى.
«قازاقستاننىڭ ورنىقتىلىق قورى» ا ق باسقارماسىنىڭ شەشىمىمەن توتەنشە جاعداي رەجيمىنىڭ ەنگىزىلۋىنەن زارداپ شەككەن قارىز الۋشىلاردى قولداۋ ءىس- شارالارىن ىسكە اسىرۋ اياسىندا «7-20-25» جانە «باسپانا حيت» يپوتەكالىق باعدارلامالارىنىڭ كليەنتتەرىنە ايىپپۇلدار مەن ءوسىمپۇلدار ەسەپتەلمەي، 2022 -جىلعى 5 - قاڭتاردان باستاپ 90 كۇنگە دەيىن تولەمدى كەيىنگە قالدىرۋ ۇسىنىلدى.
ق ر قارجى نارىعىن رەتتەۋ جانە دامىتۋ اگەنتتىگىنىڭ 2022 -جىلعى 10 - قاڭتارداعى بۇيرىعىمەن توتەنشە جاعداي رەجيمىن ەنگىزۋ سالدارىنان زارداپ شەككەن جەكە جانە زاڭدى تۇلعالاردىڭ قارىزدارى بويىنشا تولەمدەردى كەيىنگە قالدىرۋدى ۇسىنۋ ءتارتىبى بەكىتىلدى»، - دەلىنگەن تاراتىلعان اقپاراتتا.
قور مالىمەتىنشە، اتالعان تارتىپكە سايكەس بانكتەر تولەمدەردى 2022 -جىلعى 5 - قاڭتاردان 5 - ساۋىرگە دەيىنگى كەزەڭگە كەيىنگە قالدىرۋدى ۇسىنادى.
«تولەمدى كەيىنگە قالدىرۋ قارىز الۋشىنىڭ كرەديتتىك تاريحىنا اسەر ەتپەيدى. تولەمدى كەيىنگە قالدىرۋ مۇمكىندىگىن الۋ ءۇشىن قارجىلىق جاعدايىنىڭ ناشارلاعانىن راستايتىن قۇجاتتاردى قوسا بەرە وتىرىپ، بانككە ەركىن تۇردە ءوتىنىش ءبىلدىرۋ كەرەك. ءوتىنىش ەلەكتروندىق پوشتانىڭ، «بانك- كليەنت» ونلاين- جۇيەسىنىڭ، ينتەرنەت- رەسۋرستىڭ، موبيلدىك قوسىمشانىڭ، باسقا دا بايلانىس قۇرالدارىنىڭ كومەگىمەن نەمەسە قارىز الۋشىنىڭ بانك بولىمشەسىنە كەلۋى ارقىلى بەرىلەدى. وتىنىشتەردى قاراستىرۋ مەرزىمى ون جۇمىس كۇنىن قۇرايدى. تولەمدى كەيىنگە قالدىرۋ تۋرالى وتىنىشتەر 2022 -جىلعى 4 - ساۋىرگە دەيىن (قوسا العاندا) قابىلدانادى»، - دەپ اتاپ وتەدى قوردان.
اۆتور: مارلان جيەمباي