بۇل تۋرالى ۇكىمەت وتىرىسىندا ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ايتتى، دەپ حابارلايدى قازاقپارات ءتىلشىسى.
«جىلدان جىلعا ەلەكتروندى تۇردە كورسەتىلەتىن قىزمەتتەر سانى ۇلعايۋدا. قازىرگى تاڭدا مەملەكەتتىك تىزىلىمدە 700 گە جۋىق قىزمەت بار. ولاردىڭ 85,5 پايىزى ونلاين تۇردە كورسەتىلەدى. ءبىزدىڭ ماقساتىمىز - بيىل وسى كورسەتكىشتى 90 پايىزعا دەيىن جەتكىزۋ»، - دەدى ول.
ونىڭ اتاپ وتۋىنشە، مەملەكەتتىك ورگانداردىڭ ىشىندە مەملەكەتتىك قىزمەتتەردى ەلەكتروندى تۇرگە كوشىرۋ بارىسىندا ءتيىستى كورسەتكىشكە جەتە الماي وتىرعاندارى بار.
«وسى جۇمىستى ۋاقىتىلى اياقتاۋ قاجەت. كورسەتىلەتىن قىزمەتتەر ساپاسىن باقىلاۋ مەملەكەتتىك قىزمەت ىستەر اگەنتتىگىنىڭ قۇزىرەتىندە. ولار جۇرگىزگەن قوعامدىق مونيتورينگ ناتيجەسىن قاراساق، ەلىمىزدىڭ اۋماقتارىندا حالىقتىڭ مەملەكەتتىك قىزمەتتەرمەن قاناعاتتانۋ دەڭگەيىن كوتەرۋ قاجەت ەكەندىگى ايقىن. ول ءۇشىن الدىمىزعا قويىلاتىن ءبىرقاتار اشىق ماسەلە بار. مىسالى، مەملەكەتتىك قىزمەتتى الۋ ءۇشىن حالىق ءالى دە تىكەلەي مەملەكەتتىك ورگانعا نەمەسە اكىمدىككە جۇگىنەدى. وسىنداي قىزمەتتەر سانى - 200 دەن استام»، - دەدى مينيستر.
باعدات مۋسين ماسەلەنى تالداۋ ءۇشىن باس پروكۋراتۋرامەن بىرلەسىپ، حالىقتان كەلىپ تۇسكەن وتىنىشتەردى زەرتتەگەندەرىن ايتادى.
«ناتيجەسىندە 2 ميلليوننان استام وتىنىشتەردىڭ 30 پايىزى مەملەكەتتىك قىزمەتتە ەكەنى انىقتالدى. وسىنداي جاعدايدا حالىققا قىزمەت كورسەتۋ ورتالىقتارىنا قاراعاندا مەرزىمدەرى بۇزىلۋى مۇمكىن.
ويتكەنى، باقىلاۋعا ارنالعان اقپاراتتىق جۇيەگە كىرمەيدى جانە جەكە قارىم-قاتىناس كەزىندە سىبايلاس جەمقورلىق بولۋى مۇمكىن. بۇل ماسەلەنى شەشۋ ماقساتىندا بارلىق قىزمەتتەردى بالاماسىز تەك ح ق ك و- لاردا نەمەسە ەلەكتروندى تۇردە كورسەتۋ قاجەت»، - دەدى ول.