الماتىدا ەكى اپتادا 90 مىڭعا جۋىق ادام جۇمىسقا شىقپاق
«بۇگىن الماتى قالاسىندا ەكونوميكانىڭ ءبىرقاتار سالالارىن قالپىنا كەلتىرۋدىڭ ەكىنشى كەزەڭى باستالدى. اتاپ ايتقاندا، كارانتين كەزىندە كەيبىر سالالار شەكتەۋلى رەجيمدە جۇمىس جاسادى: كولىك، قويما، اقپاراتتىق جانە كوممۋنيكاتسيالىق تەحنولوگيالار. بۇل سەكتورلار تولىعىمەن اشىلادى. بۇل سالالارداعى بارلىق كاسىپورىندارعا ەرتەڭ جۇمىسقا شىعۋعا رۇقسات ەتىلگەن»، - دەدى الماتى قالاسى اكىمىنىڭ ورىنباسارى ساپاربەك تۇياقبايەۆ ونلاين-بريفينگ بارىسىندا.
سونىمەن قاتار، P دەيىن قارجى سەكتورىنا رۇقسات بەرىلەدى. ونىڭ ىشىندە ەكىنشى دەڭگەيلى بانكتەر، ميكروقارجى ۇيىمدارى، ساقتاندىرۋ كومپانيالارى، بروكەرلىك ۇيىمدار جانە لومبارداتار، اقشا ايىرباستاۋ پۋكتەرىن قوسپاعاندا.
«لومباردتارعا تۇتىنۋشىلاردى قابىلداۋسىز، تەك ۋاكىلەتتى ورگاندا ەسەپتىك تىركەۋدەن وتۋگە رۇقسات بەرىلەدى. سونداي-اق، بيزنەسكە ارنالعان كاسىبي قىزمەت كورەسەتۋ سالاسىندا: كونسالتينگتىك قىزمەتەر، اۋديت، بۋحگالتەرلىك، زاڭگەرلىك. بۇل سەكتوردا كومپانيا قىزمەتكەرلەرىنىڭ P نا دەيىن جۇمىس ىستەۋگە بولادى. سونىمەن قاتار، تاۋارلاردى ۇيلەرىنە جەتكىزىپ بەرەتىن كومپانيالارعا رۇقسات بار»، - دەپ تولىقتىردى اكىم ورىنباسارى.
سونداي-اق، ول س ت و، دوڭعالاق ايىرباستاۋ، كولىك جۋۋ، ورگتەحنيكا مەن تۇرمىستىق تەحنيكانى جوندەيتىن ورتالىقتار، جارناما اگەنتتىكتەرى، اۆتوسالونداردىڭ كليەنتتەرگە كولىك ساتپاي تەحنيكالىق قىزمەت كورسەتۋىنە بولادى.
كولىك جۋۋ جانە اۆتوسالوندار الدىن الا جازىلۋ بويىنشا جۇمىس ىستەۋى كەرەك.
«رۇقسات بەرىلگەن كاسىپورىندارعا ەكى اپتادا 90 مىڭعا جۋىق ادام جۇمىسقا شىعادى دەپ كۇتىلۋدە»، - دەدى ساپاربەك تۇياقبايەۆ.