بيىل قازاقستاندا 90 ميلليون توننادان استام مۇناي وندىرىلەدى
«الدىن الا قورىتىندى بويىنشا، بيىل شامامەن 90,4 ميلليون توننا مۇناي وندىرىلەدى. وسىلايشا 2018 -جىلعى رەكوردتى (90,36 ميلليون توننا) قايتالايمىز. مۇناي سالاسى ءۇشىن مۇنداي ءوندىرۋ دەڭگەيىن ساقتاۋ - جاقسى جەتىستىك. بۇل رەتتە بيىل ءۇش ءىرى جوبادا: تەڭىز بەن قاراشىعاناقتا كۇردەلى جوندەۋ، ال قاشاعاندا العاش رەت كۇردەلى جوندەۋ جۇمىستارى بولعانىن ەسكەرگەن ءجون. ءبىراق، جوندەۋ كەزىندە نەگىزگى ءوندىرىس توقتاعانىنا قاراماستان، ءوندىرۋ دەڭگەيىن قالپىنا كەلتىرىپ، ۇلعايتا الدىق»، - دەدى ۆيتسە- مينيستر ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ونىڭ ايتۋىنشا، 2017 -جىلدان باستاپ جىل سايىن وڭ ديناميكا بايقالىپ كەلەدى. 2016 -جىلدىڭ سوڭىندا قاشاعاندى ىسكە قوسقان سوڭ، مۇناي ءوندىرۋ ءىسى جاڭا دەڭگەيگە شىقتى. ءبىر جىلدىق ءوندىرۋ 2017 -جىلى 8 ميلليون تونناعا ءوسىپ، 86,2 ميلليون توننانى قۇرادى. ال 2018 -جىلى ءوندىرۋ دەڭگەيى 4 ميلليون تونناعا ءوسىپ، 90,36 ميلليون توننا بولدى.
اۆتور: ايجان سەرىكجان قىزى