ەلباسى بيبىگۇل تولەگەنوۆانى 90 جاسقا تولعان مەرەيتويىمەن قۇتتىقتادى
19:06, 09 - جەلتوقسان 2019
نۇر- سۇلتان. قازاقپارات - نۇرسۇلتان نازاربايەۆ بيبىگۇل تولەگەنوۆانى 90 جاسقا تولعان مەرەيتويىمەن قۇتتىقتادى، دەپ حابارلايدى قازاقپارات elbasy.kz-كە سىلتەمە جاساپ.
قازاقستاننىڭ تۇڭعىش پرەزيدەنتى وپەرا ءانشىسىنىڭ شىعارماشىلىعىمەن العاش تانىسقان كەزدەگى ەستەلىكتەرمەن ءبولىستى.
- ءسىز حالقىمىزدىڭ شىنايى ماحابباتىنا يە بولدىڭىز. سىزگە ۇزاق ءومىر، سارقىلماس قۋات جانە كورەرمەندەردىڭ شەكسىز قوشەمەتىنە بولەنە بەرۋىڭىزدى تىلەيمىن. بىرەر كۇن بۇرىن كەرەمەت كونسەرتىڭىز ءوتتى. ادەتتەگىدەي كورەرمەندەردىڭ جوعارى باعاسىنا يە بولدى، - دەدى ەلباسى.
ءوز كەزەگىندە ب. تولەگەنوۆا تۇڭعىش پرەزيدەنت قورىنىڭ قولداۋىمەن وتكەن ۆوكاليستەردىڭ X بايقاۋىنىڭ ناتيجەلەرى تۋرالى ايتتى.
- قامقورلىق تانىتىپ جۇرگەنىڭىزگە ريزامىن. وتاندىق مادەنيەت پەن ونەر سالاسىن دامىتۋعا قولداۋ كورسەتىپ جاتقانىڭىز ءۇشىن العىس بىلدىرەمىن، - دەدى ك س ر و حالىق ءارتىسى.