ەلورداعا جىلىنا 90 ميلليون تەكشە مەتر سۋ قاجەت
نۇر- سۇلتان قالاسىنىڭ اكىمى ا. كولگىنوۆ سۋ قويماسىندا بولدى. بۇگىن سۋ قويماسىنىڭ قورى 272 ميلليون تەكشە مەتردى قۇرايدى، قالاعا جىلىنا 90 ميلليون تەكشە مەتر سۋ قاجەت.
سۋ قويماسىنان سۋ الۋ ەكى سورعى ستانسياسىمەن جۇزەگە اسىرىلادى. سۋمەن جابدىقتاۋدى تۇراقتى تۇردە قامتاماسىز ەتۋ ماقساتىندا ءبىرىنشى سورعى ستانسياسى قايتا جاڭارتىلۋدا: توزعان تەحنولوگيالىق جابدىقتى قازىرگى زامانعى جانە ەنەرگيا ءتيىمدى جابدىقتارعا اۋىستىرۋ جۇرگىزىلۋدە. 2017 -جىلى ن ف س الاڭىنان مۇستافين كوشەسىنە دەيىن 2,5 ك م، 2018 -جىلى جەلەزنودوروجنىي ەلدى- مەكەنىنەن مۇستافين كوشەسىنە دەيىن 4,6 ك م قايتا جاڭارتۋ جۇمىستارى اياقتالدى. بيىلعى جىلى 1 كوتەرمەلى سورعى ستانسياسىنان جەلەزنودوروجنىي ەلدى- مەكەنىنەن دەيىنگى ۇزىندىعى 43,9 ك م ۋچاسكەدەگى سۋاعاردىڭ تارماعىن قايتا قۇرۋ باستالادى.
سورعى- ءسۇزۋ ستانسياسىنا كەلىپ تۇسكەن تابيعي سۋ دەزينفەكسيالاۋدان جانە زارارسىزداندىرۋدان وتەدى. تۇتىنۋشىلارعا اۋىز سۋ بەرۋ الدىندا سۋ سىناماسى الىنادى.