نۇرسۇلتان نازاربايەۆ 90 -جىلدارى تۋرالى: اجەلەر اسفالتقا جاتىپ الاتىن
ايتا كەتەيىك، قازاقستانداعى جەتەكشى ب ا ق وكىلدەرىنىڭ ق ر پرەزيدەنتى نۇرسۇلتان نازاربايەۆپەن سۇحباتىندا مەملەكەت باسشىسىنا «قاي كەزدە ەلدى باسقارۋ قيىن: تاۋەلسىزدىكتىڭ العاشقى جىلدارىندا ما، الدە قازىرگى ۋاقىتتا ما؟» دەگەن سۇراق قويىلدى.
«ول كەز بەن قازىرگى ءساتتى سالىستىرۋ قيىن. تاۋەلسىزدىكتىڭ العاشقى جىلدارى قايدا قادام جاسارىمىزدى بىلمەدىك. ەشكىم بىزگە باعىت سىلتەمەدى، سوتسياليزمنەن كاپيتاليزمگە قالاي ءوتۋدى كورسەتپەدى. ءبىز كاپيتاليزمنەن سوتسياليزمگە اۋىسقانبىز، ال كەرىسىنشە جاعداي بولماعان ەدى»، - دەپ جاۋاپ بەردى نۇرسۇلتان نازاربايەۆ جۋرناليست سۇراعىنا.
ەلباسى سول جىلدارى بارلىق زاۋىتتىڭ توقتاتىلىپ، ەكى ميلليون ادامنىڭ جۇمىسسىز قالعانىن ەسكە الدى.
«دۇكەنگە كىرگەندە بوس سورەلەردى عانا كورەتىنمىن. ءبىر بوتەلكە ءسۇت ءۇشىن بالالى ايەلدەر تاڭعى تورتتەن كەزەككە تۇراتىن. ءتىپتى، كادىمگى نان جەتكىزىلمەدى، شۇجىق، تەمەكى، قانت بولعان جوق. جۇمىستان قايتىپ كەلە جاتقاندا اجەلەر اسفالتكە جاتىپ الاتىن. كولىكتەن ءتۇسىپ، ءبىر جارىم ساعات سويلەسەتىنمىن. ال قازىرگى قيىندىقتار ينتەللەكتۋالدى تۇرعىدا عانا. سول ساتتە سيفرلى قازاقستان تۋرالى ويلاعان جان بار ما؟ 90-جىلدارى ينتەرنەتتىڭ نە ەكەنىن بىلمەدىك (...) ەگەر ەلدە كەلىسىم ورناپ، حالىق پەن بيلىك ءبىرتۇتاس بولسا، بارلىق قيىندىقتاردى ەڭسەرۋگە بولادى. بارىنەن بۇرىن، باسشى حالىققا قىزمەت ەتىپ، حالىقتى ءبىرىنشى ورىنعا قويسا عانا، العىسقا يە بولادى»، - دەپ اتاپ ءوتتى نۇرسۇلتان نازاربايەۆ.