شەتەلدە لاڭكەستىك توپتاردىڭ قاتارىندا سوعىسۋدى جوسپارلاعان 90 قازاقستاندىق ۇستالدى
بۇل تۋرالى بۇگىن ۇكىمەت وتىرىسىنان سوڭ تىلشىلەرگە بەرگەن سۇحباتىندا ۇلتتىق قاۋىپسىزدىڭ كوميتەتى ءتوراعاسىنىڭ ورىنباسارى نۇرعالي بىلىسبەكوۆ ءمالىم ەتتى، دەپ حابارلايدى قازاقپارات.
«2016 -جىلى ءداستۇرلى ەمەس ءدىني اعىمداردىڭ جەتەگىندە ەرىپ كەتكەندەردىڭ 32,1 پروتسەنتىنە قاتىستى الدىن الۋ جۇمىستارى جۇرگىزىلدى. تەرروريزمگە جانە ەكسترەميزمگە قارسى كۇرەس مەملەكەتتىك باعدارلاماسىن جۇزەگە اسىرۋ بارىسىندا 90,7 پروتسەنتى قامتىلدى. ماقساتتى جۇمىستاردىڭ ارقاسىندا قازاقستاندا سالافيتتىك جاماعاتتىڭ 70 جەتەكشىسى مەن بەلسەندىسى قازاقستاندىق قوعامنىڭ قۇندىلىقتارىنا وڭ كوزقاراس تانىتىپ، قوعام ومىرىنە قايتا ورالدى»، - دەيدى نۇرعالي بىلىسبەكوۆ.
سونىمەن قاتار، ونىڭ مالىمەتتەرى بويىنشا، 2016 -جىلى قازاقستاندا ەلىمىزدىڭ ارنايى ورگان قىزمەتكەرلەرى 12 لاڭكەستىك اكسيانىڭ جولىن كەستى.
جالپى تەرروريزم مەن ءدىني- ەكسترەميستىك قىلمىستار ءۇشىن 123 راديكال سوتتالدى.
«شەتەلدە لاڭكەستىك توپتاردىڭ قاتارىندا سوعىسۋدى جوسپارلاعان 91 قازاقستاندىق ۇستالدى. قازاقستانعا 81 ستۋدەنت ەلگە قايتارىلدى. 177 ادامعا شەتەلدىك تەولوگيالىق وقۋ ورىندارىندا وقۋ ءۇشىن ەلدەن كەتۋگە تىيىم سالىندى»، - دەپ ءمالىم ەتتى ۇ ق ك باسشىسىنىڭ ورىنباسارى.
اۆتور: جاسۇلان جولدىبايەۆ