قازاقستاننىڭ كورنەكتى سپورتشىلارىنىڭ 90 پايىزى اۋىلدان شىققان - ە. قاناعاتوۆ
بۇل تۋرالى بۇگىن ورتالىق ازيانىڭ ەۋرازيا قورى مەن مادەنيەت جانە سپورت مينيسترلىگى، ءبىلىم جانە عىلىم مينيسترلىگى جانە «بولاشاق» قاۋىمداستىعى اراسىنداعى ىنتىماقتاستىق تۋرالى كەلىسىمگە قول قويۋ راسىمىندە ق ر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ ءتوراعاسى ەلسيار قاناعاتوۆ ءمالىم ەتتى.
«3.2.1 - ستارت!» جوباسى اياسىندا جاسالعان اتالعان مەموراندۋم اۋىل مەكتەپتەرىندە دەنە شىنىقتىرۋ جانە سپورت جاعدايىن جۇيەلى جاقسارتۋعا باعىتتالىپ وتىر.
«قازاقستاننىڭ كورنەكتى سپورتشىلارىنىڭ 80-90 پايىزى اۋىلدان شىققان. سوندىقتان ءبىز اۋىل سپورتىنا ۇلكەن ءمان بەرۋ كەرەكپىز جانە اتالمىش شارا وسىعان سەپتىگىن تيگىزەدى. ءبىز ەۋرازيا قورى مەن Coca-Cola دەمەۋشىلىگىنە العىس بىلدىرەمىز. بىزبەن وسى باعىتتا ارىپتەستىك جۇرگىزەتىن وسىنداي ۇيىمداردىڭ كوپ بولعانىن قالار ەدىك»، - دەپ اتاپ ءوتتى ە. قاناعاتوۆ.
2015 -جىلدان باستاپ «3.2.1 - Start» پيلوتتىق جوبا اقمولا وبلىسىنىڭ ارشالى اۋدانىندا جۇزەگە اسىرىلىپ كەلەدى. وسىلايشا، 18 مەكتەپ جاڭا سپورتتىق جابدىقتارمەن قامتاماسىز ەتىلدى. بارلىعى 49 ءتۇرلى سپورتتىق جابدىقتار جانە 1700 دانا قۇرال ساتىپ الىندى. كەيبىر سپورتتىق زالدار جوندەۋدەن وتكىزىلدى. يجيەۆ مەكتەبىندە قىزدارعا بي، گيمناستيكا، يوگا ءۇشىن حورەوگرافيالىق زالدار سالىندى. نيكولايەۆكا اۋىلىندا اشىق حوككەي الاڭى سالىندى. 33 ۇستاز وقىتۋدىڭ جاڭا ادىستەرىنە جانە فيتنەس تۇرلەرىنە ۇيرەتىلدى.
«ءبىز ارشالى اۋدانىمەن جۇمىستى جالعاستىرا بەرەتىن بولامىز. ءبىز مۇعالىمدەردىڭ ءبىلىم دەڭگەيىن كوتەرگىمىز كەلەدى. ولار سپورتتىق جارىستاردا بەلگىلى ءبىر ناتيجەلەر كورسەتە باستاعان كەزدە باسقا اۋداندارعا وسى ادىستەمەنى ەنگىزۋگە كوشەمىز»، - دەيدى Coca-Cola Almaty Bottlers كومپانياسىنىڭ PR مەنەدجەرى ءاليما يسەمبايەۆا.
اۆتور: جاسۇلان جولدىبايەۆ