ءتيىستى قۇجاتتارى بولماعان سوڭ تىل ەڭبەككەرىنە تەڭەستىرىلگەن اقساقال بازاردا ساۋدا جاسايدى.
الەۋەمەتتىك كومەككە ءزارۋ قارت جاۋىنگەر سوعىس ارداگەرىنە تيەسىلى كومەككە قول جەتكىزۋ ءۇشىن بارماعان جەرىم قالمادى دەيدى. توقساننىڭ تورىنە شىققان سپانديار ناكىپبايەۆ شىمكەنتتەگى بەكجان بازارى ماڭايىندا وتىرادى. كۇن ۇزاققا پىستە، جەرجاڭعاق سەكىلدى ۇساق-تۇيەك زاتتاردى ساتادى.
قارت مايدانگەر - سارى اعاش اۋدانىنىڭ تۋماسى. قازىر شىمكەنتتەگى قىزىنىڭ ۇيىندە تۇرىپ جاتىر. ومىراۋىنا قوس بىردەي مەدال تاققان اقساقال سوعىس جىلدارى ۋكراينا جانە بەلورۋسسيا جەرىندە سوعىسىپ، 1946 -جىلى ەلگە ورالعان.
جەڭىس كۇنى تاياعاندا قىزۋ ساۋدانى كوزدەپ، بازار جاعالاعان قارت ءوزىنىڭ سوعىس ارداگەرى ەكەنىن دالەلدەۋ ءۇشىن تالاي ەسىكتى قاعىپتى. الايدا جاۋاپتىلار قۇجاتسىز قارتقا كومەك قولىن سوزۋعا قۇلىقسىز بولىپ شىعىپتى.
وبلىستىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ ماماندارى سپانديار ناقىپبايەۆقا ارداگەر مارتەبەسىن بەرۋ ءۇشىن جەرگىلىكتى اسكەري كوميسساريات شەشىمى قاجەت ەكەنىن ايتادى. ول ءۇشىن ءتيىستى زەردەلەۋ جۇمىستارى جۇرگىزۋ قاجەت دەپ وتىر.
دەگەنمەن، مەرەكە قارساڭىندا شىمكەنتتىڭ بەلسەندى جاستارى الەۋمەتتىك كومەككە ءزارۋ قاريانى نازاردان تىس قالدىرمادى. سىي-سىياپات كورسەتىپ قاردىلاق كومەك قولىن سوزدى.
kz.otyrar.kz