ۇلتىمىزدىڭ «قازاق» دەگەن اتىن قايتىپ العانىنا 90 جىل تولدى - كەسكىن

استانا. قازاقپارات - وتارلاۋ ساياساتى كەزىندە «كيرگيز» اتالىپ كەلگەن حالقىمىزدىڭ «قازاق» دەگەن اتىن قايتىپ العانىنا 90 جىل تولدى.

اقمەشىت قالاسىندا وتكەن قازاق كەڭەستەرىنىڭ V سەزىندە، ياعني 1925 جىلعى 19- ساۋىردە جالاۋ مىڭبايەۆ قول قويعان قۇجات نەگىزىندە قىرعىز اۆتونوميالى رەسپۋبليكاسى اتالىپ كەلگەن ەل قازاق رەسپۋبليكاسى بولىپ وزگەرتىلدى.

بۇل كادرلار سول سەزدىڭ ناقتى كينو حرونيكاسى. بىرنەشە كۇنگە سوزىلعان سەزدە احمەت بايتۇرسىن ۇلى، سۇلتانبەك قوجانوۆ باستاعان ۇلت قايراتكەرلەرى «اۋداندى ۇلتىمىزدىڭ، ءارۋاقتى جۇرتىمىزدىڭ» ءوز اتاۋىن قالپىنا كەلتىرەتىن ۋاقىت جەتتى دەپ ءسوز سويلەپ، رەسپۋبليكا اتى وزگەرتىلدى.

بۇعان قوسا، ورىنبوردان استانا اقمەشىتكە كوشىرىلگەن سوڭ، سول قاۋلىمەن قالا اتاۋى دا «قىزىلوردا» دەپ وزگەرتىلدى. تاريحشى حازرەت تۇرسىننىڭ جازۋىنشا، قىزىلوردا دەگەن اتاۋدىڭ يدەيا اۆتورى قوڭىرقۇلجا قوجىقوۆ. الايدا كەي دەرەكتەردە باسقاشا كەزدەسەدى ەكەن.

31- كانال