شىمكەنتتە قۇرىلىس ماتەريالدارىنىڭ 90 پايىزى وندىرىلەدى
ەسكەرتە كەتسەك، ونىڭ جارتىسىنان استامى - وتاندىق تاۋار وندىرۋشىلەر. جالپى، وڭتۇستىك قازاقستان وبلىسىندا قۇرىلىسقا قاجەتتى ماتەريالدىڭ 90 پايىزى وندىرىلەدى. بۇل تۋرالى وبلىس اكىمىنىڭ ورىنباسارى ساپاربەك تۇياقبايەۆ مالىمدەدى.
ماسەلەن، جەرگىلىكتى «پوليۆينيلحلوريد» پروفيلدى ءوندىرىسى ىستىق پەن سۋىقتى ىشكە وتكىزبەيتىن ەسىك-تەرەزە جاساۋدا ەداۋىر ءوسىپ-وركەندەگەنىن كورسەتتى. بۇگىندە وتاندىق وندىرۋشىلەر اراسىندا كۇشتى باسەكەلەستىك بارى دا بايقالىپ تۇر. ءبىرقاتار كومپانيا جىلۋ ساقتاعىش جانە ەنەرگيا ۇنەمدەگىش جابدىقتاردى شىعارۋدى جاقسى مەڭگەرىپ العان.
كورمەگە ساپاسى جوعارى قۇرىلىس ماتەريالدارىن جاساپ شىعاراتىن وسى زامانعى وزىق تەحنولوگيالار دا قويىلدى. وڭتۇستىك قازاقستان وبلىسىندا سوڭعى 5 جىلدىڭ وزىندە قۇرىلىس ماتەريالدارى مەن وعان قاجەتتى بۇيىمداردى شىعاراتىن 40 تان استام كاسىپورىن اشىلىپ وتىر.