قۇرىلعانىنا 90 جىل تولعان «ارال تۇز» ا ق - كەلەشەگى كەمەل كاسىپورىن- فوتو

قىزىلوردا. قازاقپارات - «ارال تۇز» ا ق قازۋ مەن ونى وڭدەپ تۇتىنۋشىلارعا جەتكىزۋ جۇمىستارى، جەر قويناۋىن پايدالانۋ ءۇشىن وزىنە بەرىلگەن ۇكىمەتتىڭ ليتسەنزياسىنا جانە كەلىسىمشارتىنا سايكەس اتقارۋدا.

 بۇگىندە كومبيناتتا 800 گە تارتا ادام تۇراقتى جۇمىس ىستەيدى. جاڭادان قوسىلعان ەكى سەحتا قوسىمشا تاعى 60 جاڭا جۇمىس ورنى اشىلدى.

اكسيونەرلىك قوعام رەسپۋبليكاداعى تۇز قازۋ مەن ونى وڭدەۋ بويىنشا ەڭ ءىرى كاسىپورىن بولىپ سانالادى. بيىل مەكەمەنىڭ قۇرىلعانىنا 90 جىل تولىپ وتىر. وتكەن عاسىردىڭ 70 - جىلدارىنان باستاپ بۇگىنگى كۇنگە دەيىن يود جەتىسپەۋشىلىگى سالدارىنىڭ الدىن الۋعا ارنالعان يودتالعان اس تۇزىن شىعاراتىن رەسپۋبليكاداعى جالعىز مەكەمە بولىپ كەلەدى جانە ونىڭ نەگىزگى ءوندىرۋشىسى بولىپ تابىلادى. 

 مەكەمە ساپالى تاۋار شىعارۋ بويىنشا كوپتەگەن حالىقارالىق جانە رەسپۋبليكالىق كورمەلەردىڭ ديپلومدارىنىڭ يەگەرى اتاندى. 2001-2003 - جىلدارى «ارال تۇز» ا ق- دا زاۋىت تاريحىندا ءبىرىنشى رەت قايتا قۇرۋ جۇمىستارى اتقارىلىپ، وندىرىسكە «تۇزدى ەكىنشى رەت بايىتۋ» تەحنولوگياسى ەنگىزىلدى. 

 2012 - جىلدان باستاپ مەكەمەگە جاڭا ينۆەستور كەلۋىنە بايلانىستى «ارال تۇز» ا ق- دا كوپتەگەن يگىلىكتى جۇمىستار باستالىپ كەتتى. 2013 - جىلى قازالىداعى «قامقور- لوكوموتيۆ» ج ش س مەكەمەسىنە تۇز قازۋدى تاسىمالداۋعا ارنالعان تەپلوۆوز كۇردەلى جوندەۋدەن وتكىزىلدى. 

 قۇنى بىرنەشە ءجۇز ميلليون بولاتىن جاڭا زاۋىتتىڭ قۇرىلىسى باستالىپ، يسپان ەلىنەن جاڭا تەحنولوگيالىق جابدىقتار الىندى. جاڭا يسپان سەحى 2013 - جىلدىڭ تامىزىنان باستاپ ءونىم شىعارا باستادى. سونداي- اق تۇز قالتالاۋ سەحىنا رەسەي ەلىنەن، ياعني سانكت- پەتەربوردان 5 دانا جاڭا اۆتومات الىنىپ، وندىرىسكە ەنگىزىلدى. 

 سوڭعى ەكى جىلدا وسىنداي اۋقىمدى جۇمىستارعا 1 ميلليارد تەڭگە شاماسىندا قارجى جۇمسالىپ وتىر. ءوندىرىستى دامىتۋدىڭ جوسپارىنا سايكەس، ماركەتينگ زەرتتەۋلەر ناتيجەسىندە بريكەتتەلگەن مال ازىعىنا قاجەتتى تۇز ءوندىرۋ قولعا الىندى.  
 كومبينات الداعى ۋاقىتتا ساۋد ارابياسى، جاپونيا، قىتاي ەلدەرىمەن بايلانىس ورناتۋدى جوسپارلانىپ وتىر.