ەلوردا تۇرعىنى جالعان شوت جازىپ، مەملەكەتكە 900 ميلليون تەڭگە زالال كەلتىردى
قارجىلىق مونيتورينگ اگەنتتىگى «كولەڭكەلى ەكونوميكامەن» كۇرەس جۇرگىزىپ جاتىر.
اتاپ ايتقاندا، ءىس جۇزىندە قىزمەتتەر دە، جۇمىستار دا، تاۋارلار دا ۇسىنبايتىن «كۇماندى» كاسىپورىنداردىڭ قىزمەتىنىڭ جولىن كەسۋ بويىنشا شارالار قابىلدانىپ جاتىر. بۇل رەتتە بيۋدجەتكە سالىق اۋدارماي اقشا قاراجاتىن قولما-قول اقشاعا اينالدىرادى. نۇر-سۇلتان قالاسى بويىنشا ەكونوميكالىق تەرگەپ-تەكسەرۋ دەپارتامەنتى جالعان بۋحالتەرلىك قۇجاتتاردى جازىپ بەرۋ فاكتىسى بويىنشا «ايدي ستروي 2030» ج ش س ديرەكتورىنا قاتىستى قىلمىستىق ءىستى اياقتادى.
تەرگەۋ بارىسىندا د. قۇرمانعوجينوۆا 2017-2018 -جىلدار ارالىعىندا سەرىكتەستىكتىڭ اتىنان ءتۇرلى كومپانيالارمەن جالعان مامىلەلەر رەسىمدەگەنى انىقتالدى. ناتيجەسىندە مەملەكەتكە تولەنبەگەن سالىقتار تۇرىندە 900 ميلليون تەڭگەدەن استام سوماعا زالال كەلتىرىلدى.
د. قۇرمانعوجينوۆاعا 3,5 جىلعا باس بوستاندىعىنان ايىرۋ جازاسى تاعايىندالدى.