زاڭنامانىڭ اياسىندا ءاربىر امەريكاندىققا 600 دوللارلىق ءبىر رەتتىك تولەم بەرىلۋى ءتيىس. اق ءۇي باسشىسى بۇل سومانى 600-دەن 2 مىڭ دوللارعا دەيىن كوتەرۋدى دە بىرنەشە رەت ۇسىنعان ەدى. بۇل باستامانى باسىم بولىگى دەموكراتتاردان تۇراتىن وكىلدەر پالاتاسى ءبىر اۋىزدان قولداپ، سەناتقا جىبەردى.
الايدا جوعارى پالاتانىڭ رەسپۋبليكاشىلارى مەن سەنات ءتوراعاسى ميتچ ماككوننەلل زاڭنامانى داۋىسقا سالۋدى توقتاتتى. پاندەميا ۋاقىتىندا قوسىمشا قاراجاتقا مۇقتاج حالىق پەن دەموكراتتار كەنتۋكي سەناتورىنىڭ بۇل اركەكەتىن بارىنشا سىنعا الىپ، نارازىلىقتارىن ءبىلدىردى.
نەنسي پەلوسي، وكىلدەر پالاتاسىنىڭ سپيكەرى:
- ميتچ ماككوننەللدىڭ بۇل ارەكەتى ورىنسىز دەپ ويلايمىن. حالىققا قول ۇشىن بەرۋدىڭ ورنىنا زاڭنامانى توقتاتۋ اقىلعا سىيمايدى. بۇل شەشىمىن وزگەرتۋىن جانە زاڭنامانى قايتا داۋىس بەرۋگە سالۋىن تالاپ ەتەمىز. ىنتالاندىرۋ پاكەتىن 600 دوللاردان 2 مىڭعا دەيىن كوتەرۋدى پرەزيدەنتتىڭ ءوزى قولداعان جوق پا ەدى؟ سەناتتاعى رەسپۋبليكاندىقتارعا دا ايتارىمىز، ويلارىڭدى وزگەرتىڭىزدەر ويتكەنى سىزدەر حالىققا كومەكتەسۋدىڭ ورنىنا قيىندىق تۋعىزىپ جاتىرسىزدار.
www.24.kz