بيىل 900 وتباسىعا جاساندى جولمەن بالا سۇيۋگە كۆوتا بەرىلدى
دارىگەرلەر ولارعا ەكستروكورپارالدى ۇرىقتاندىرۋعا جۇگىنۋگە كەڭەس بەرەدى، دەپ حابارلايدى قازاقپارات.
قوستاناي وبلىسى دەنساۋلىق ساقتاۋ باسقارماسىنىڭ مالىمەتىنشە، نەكەگە وتىرعان وتباسىلاردىڭ 15 پايىزى بەدەۋلىك ەسەبىنە الىنادى. وبلىستىق اۋرۋحانانىڭ مەديتسينالىق-گەنەتيكالىق ءبولىمىنىڭ مەڭگەرۋشىسى اسەل فايزۋللينانىڭ ايتۋىنشا، قوستانايدا 2,5 مىڭنان استام جۇپ بەدەۋلىك بويىنشا ەسەپتە تۇر.
«مەملەكەت بالا كوتەرە المايتىن ايەلدەرگە انا باقىتىن سەزىنۋگە كومەكتەسۋ ءۇشىن ەڭ وزىق تەحنولوگيالار مەن يننوۆاتسيالاردى قولدانۋ ارقىلى كومەك كورسەتىلىپ جاتىر. ولارعا زاماناۋي جابدىقپەن جاراقتاندىرىلعان ەكستروكورپارالدى ۇرىقتاندىرۋ ورتالىقتارىنا دەر كەزىندە جۇگىنۋگە كەڭەس بەرەمىز. 2019-جىلى قازاقستاندا 900 وتباسى جاساندى جولمەن بالا ءسۇيۋ ءۇشىن كۆوتا العان. ولاردىڭ 42 ءسى - ءبىزدىڭ وبلىستان. بىلتىر دا 42 ايەل ە ك ۇ (ەكستروكورپارالدى ۇرىقتاندىرۋ) ەم-دوم شاراسىن قابىلدادى. ولاردىڭ 17 ءسى جۇكتى بولىپ، 5 ەۋى ومىرگە ءسابي اكەلدى. وبلىستا ە ك ۇ- عا مەملەكەتتىك كۆوتا الۋ ءۇشىن بارلىعى 256 وتباسى كەزەكتە تۇر»، - دەيدى ول.
مەديتسينالىق- گەنەتيكالىق ءبولىمنىڭ دارىگەرلەرى بەدەۋلىك - تەك ءبىر وتباسىنىڭ عانا ەمەس، كۇللى قوعامنىڭ قاسىرەتى ەكەنىن ەسكە سالادى. سوندىقتان دارىگەرلەرگە ۋاقىتىلى جۇگىنگەن دۇرىس.