ماسكەۋدە جەمقورلىققا قارسى نارازىلىق اكسياسىندا 900 دەن استام ادام ۇستالدى
بۇل تۋرالى «وۆد- ينفو» بەلسەندىلەرى ءمالىم ەتتى.
ال ماسكەۋ قالالىق ءى ءى ب 500-دەن استام ادامنىڭ ۇستالعانىن ايتۋدا، دەپ حابارلايدى قازاقپارات ر ب ك- عا سىلتەمە جاساپ.
قۇقىق قورعاۋ ورگاندارىنىڭ قىزمەتكەرلەرى ماسكەۋ ورتالىعىندا وپپوزيتسيانىڭ جەمقورلىققا قارسى كۇرەس اكسياسىنا قاتىسقان 933 ادامدى تۇتقىندادى. «وۆد- ينفو» سايتى ر ف استاناسىنىڭ ءتۇرلى اۋداندىق ىشكى ىستەر بولىمدەرىنە جەتكىزىلگەن ادامداردىڭ ءتىزىمىن ۇسىندى.
ونىمەن ءبىر مەزگىلدە، رەسەي ءى ء م باس باسقارماسىنىڭ رەسمي سايتىندا 500 ادامنىڭ تۇتقىندالعانى تۋرالى ايتىلعان، ال ماسكەۋ قالالىق سىبايلاس جەمقورلىققا قارسى كۇرەس جانە وڭىرلىك قاۋىپسىزدىك دەپارتامەنتىنىڭ باسشىسى ۆلاديمير چەرنيكوۆ «ر ي ا نوۆوستي» - گە قۇقىق قورعاۋ ورگاندارى نارازىلىق شاراسىنا قاتىسقان 600-دەن استام ادامدى ۇستاعانىن ايتقان.
26 - ناۋرىز - جەكسەنبى كۇنگە جوسپارلانعان سىبايلاس جەمقورلىققا قارسى اكسيانى وتكىزۋگە ماسكەۋ بيلىگى رۇقسات بەرمەگەن. العاشقىدا جەمقورلىققا قارسى كۇرەس قورىنىڭ (ج ق ك ق) قۇرىلتايشىسى الەكسەي ناۆالنىي ميتينگتى تۆەر كوشەلەرىندە وتكىزۋگە ءوتىنىم بەرگەن. ماسكەۋ بيلىگى ءوتىنىشتى قاناعاتتاندىرمادى جانە بىردەن بالامالى جولداردى ۇسىنباعان.
بيلىك اكسيانىڭ كەلىسىلمەگەنىن رەسمي تۇردە ەسكەرتىپ، ماسكەۋلىكتەردى وعان قاتىسپاۋعا ۇندەدى. سوعان قاراماستان، ساعات 14:00-دە قالا ورتالىعىندا ادامدار جينالا باستاپ، جۋرناليستەر العاشقى تۇتقىندالۋشىلار تۋرالى حابار تاراتا باستادى. نارازىلىققا قاتىسۋشىلار ر ف پرەمەر- ءمينيسترى دميتري مەدۆەديەۆكە قاتىستى تەرگەۋ جۇرگىزۋدى تالاپ ەتكەن. ج ق ك ق ۇكىمەت باسشىسىنىڭ جىلجىمايتىن مۇلىكتەردى زاڭسىز يەلەنىپ كەلگەندىگىن اشكەرەلەگەن- مىس.
رەسمي دەرەك بويىنشا، ماسكەۋ كوشەلەرىنە 8 مىڭنان استام ادام شىققان. ال ناۆالنىيدىڭ باسپا ءسوز حاتشىسى كيرا يارمىش ماسكەۋدە اكسياعا قاتىسۋشىلار سانى 25-30 مىڭ ادام، ال جالپى ەل بويىنشا 150 مىڭعا جۋىق بولعانىن ايتۋدا.
سىبايلاس جەمقورلىققا قارسى نارازىلىق اكسياسى سول كۇنى رەسەيدىڭ ونداعان قالاسىندا ءوتتى.