قىرعىزستاندا شەنەۋنىك پارا رەتىندە العان 9,5 مىڭ دوللاردى ورتەپ جىبەرگەن
رەسپۋبليكانىڭ ءى ءى م باسپا ءسوز قىزمەتى حابارلاعانداي، شەنەۋنىك اقشانى رەسپۋبليكا اۋماعىندا 5 ماركو پولو قويىن، 8 سىبىرلىك تاۋ ەشكىسىن اتۋعا رۇقسات بەرگەنى ءۇشىن العان.
«ءى ءى م ۇيىمداسقان قىلمىسپەن كۇرەس باسقارماسىنىڭ قىزمەتكەرلەرى استانالىق پروكۋراتۋرا قىزمەتكەرلەرىمەن بىرلەسىپ تاعى جانۋارلاردى اتقانى ءۇشىن پارا الماقشى بولعانى جايلى اقپارات الادى»، دەپ حابارلادى باسپا ءسوز قىزمەتىنەن.
$9,5 مىڭ دوللار كولەمىندەگى پارا بولىگى ءتيىستى ۇلگىدە بەلگى سوعىلىپ، شەنەۋنىككە بەرىلەدى.
«جايسىز جاعدايدى ءىشى سەزگەن پارا الۋشى قۇقىق قورعاۋ ورگاندارى قىزمەتكەرلەرىنىڭ كوز الدىندا ەسىكتى جاۋىپ الادى، دەپ جالعاستىردى مينيسترلىك باسپا ءسوز قىزمەتىنەن.
- قۇقىق قورعاۋ قىزمەتكەرلەرىنىڭ ءتورتىنشى قاباتتاعى پاتەرگە بالكون ارقىلى كىرۋلەرىنە تۋرا كەلدى. بۇل ۋاقىتتا كۇدىكتى العان اقشاسىنىڭ بارلىعىن جاعىپ جىبەرىپ، ميليتسيا وكىلدەرىن كۇلدىڭ جانىندا كۇتىپ وتىرعان. سوندىقتان دا پارا العان فاكتىنى دالەلدەۋ قيىنعا سوعۋدا».
الايدا ءتىنتۋ جۇمىستارى جۇرگىزىلدى، تەكسەرۋ بارىسىندا كالاشنيكوۆ اۆتوماتىنىڭ وقتارى، 39 مىڭ دوللار، 10 مىڭ ەۋرو جانە جانۋارلاردى اتۋعا رۇقسات بەرەتىن بلانكىلەر تابىلدى.