رەسەيمەن شەكارادا ءورتتىڭ الدىن الۋ ءۇشىن 8 مىڭ تەكشە مەتر ورمان وتالدى
«بيىل ءورت قاۋپى ماۋسىمىندا دايىندىق اياسىندا كەشەندى دايىندىق ءىس-شارالارى جۇرگىزىلدى. توتەنشە جاعدايلار مينيسترلىگىمەن بىرگە 2023-جىلعى ءورت قاۋپى ماۋسىمىندا قازاقستان اۋماعىندا ورمان جانە دالا ورتتەرىنىڭ تۋىنداۋ ءقاۋپىن تومەندەتۋ جانە جويۋ ءىس-شارالار جوسپارى قابىلدانىپ، مەملەكەتتىك ورمان قورى اۋماعىنداعى تابيعي ورتتەردى ءسوندىرۋ ءۇشىن مەملەكەتتىك ورتكە قارسى قىزمەتتەردى جۇمىلدىرۋ ءتارتىبى تۋرالى كەلىسىمگە قول قويىلدى. ت ج م داعدارىستى جاعدايلاردى باسقارۋ ورتالىعىمەن ءوزارا ءىس-قيمىل جانە اقپارات الماسۋ ۇيىمداستىرىلدى»، - دەپ اتاپ وتەدى مينيسترلىكتەن اگەنتتىكتىڭ رەسمي ساۋالىنا وراي.
مينيسترلىك مالىمەتىنشە، تابيعاتتى قورعاۋ مەكەمەلەرىنىڭ بارلىق قۇرىلىمدىق بولىمشەلەرىنىڭ قاتىسۋىمەن ءورت قاۋپى ماۋسىمىنا دايىندىق جانە ورمان ورتتەرىن ءسوندىرۋ ماسەلەلەرى بويىنشا وقۋ-جاتتىعۋ وتكىزىلىپ، ءورت ءسوندىرۋ قىزمەتتەرىنىڭ نۇسقاۋلىعى بەرىلدى.
«قازىرگى ۋاقىتتا التاي ولكەسى، پاۆلودار مەن اباي وبلىستارىنىڭ تۇيىسكەن جەرىندە شەكارالىق ورمان يەلەرىنىڭ بارىمەن جەدەل اقپارات بەرۋ ءۇشىن تىكەلەي بايلانىس ورناتىلدى. ر ف- مەن شەكارالاس پاۆلودار وبلىسىنىڭ اۋماعىنا ورمان ورتتەرىنىڭ ءوتۋ مۇمكىندىگىن تومەندەتۋ ماقساتىندا «ەرتىس ورمانى» م و ت ر» ر م ك اۋماقتىق كۇشتەرىنىڭ كومەگىمەن مەملەكەتتىك شەكارا بويىنىڭ 103,29 گەكتار الاڭى تازارتىلىپ، 8478 تەكشە مەتر ورمان وتالدى. اباي وبلىسىندا رەزەرۆاتپەن شەكارالاس باعىتتا دا جۇمىستار جۇرگىزىلدى. قۇرعاق ءارى ىستىق اۋا رايىنا جانە ءورت قاۋپىنىڭ جوعارى بولۋىنا بايلانىستى اعاشتاردى كەسۋ ءورت قاۋپى تومەندەگەننەن كەيىن باستالادى. ر ف- مەن شەكارالاس جەرلەردە اعاشتاردى كەسۋ بيىل باستالادى»، - دەپ اتاپ وتەدى ەكولوگيا مينيسترلىگىنەن.