الماتىدا تولاسسىز جاۋعان جاڭبىردان 8 اعاش قۇلادى

الماتى. قازاقپارات - الماتىدا جاڭبىر سۋى باسقان نەگىزگى ۋچاسكەلەردە سۋ سورىلىپ، اۋماق جيىستىرىلدى، دەپ حابارلايدى قازاقپارات ءتىلشىسى.

«ساعات 21:00 دەگى جاعداي بويىنشا الماتىنىڭ تاۋلى ايماقتارىندا 34 م م جاۋىن-شاشىن ءتۇستى، ال تامىزدا ورتاشا جىلدىق جاۋىن-شاشىن مولشەرى 34 م م بولاتىن. نوسەر جاڭبىردىڭ سالدارىن جويۋعا 1008 جول جۇمىسشىسى مەن 640 تەحنيكا جۇمىلدىرىلدى. سونىمەن قاتار، مەردىگەرلەر مەن ۆەدومستۆولىق باعىنىستاعى ۇيىمداردىڭ 52 موبيلدى بريگاداسى جاڭبىر سۋىن قابىلدايتىن جەرلەردى قوقىستان تازارتىپ، جانە دە نوسەرلى كارىز جانە درەناجدىق سۋلاردى قابىلدايتىن سورعى ستانتسيالارىنىڭ جۇمىسىن قامتاماسىز ەتىپ جاتىر»، - دەپ حابارلادى قالالىق اكىمدىكتەن.

مەگاپوليستە جاڭبىر كەزىندە 8 اعاش قۇلاپ، سول جەرلەر تازالانعان.

وقىس وقيعادان ەشكىم زارداپ شەككەن جوق.

قازىرگى ۋاقىتتا نەگىزگى سۋ باسقان ۋچاسكەلەر سۋدان قۇرعاتىلىپ، ارىق جۇيەلەرىنەن قوقىس شىعارىلىپ جاتىر. وندا تۇنگى كەزەكشىلىك قويىلدى.

«قازگيدرومەت» ر م ك بولجامىنا سايكەس، الداعى ءۇش كۇندە اراسىندا ءۇزىلىسى بار جاۋىن-شاشىن مول بولادى.

ەسكە سالايىق، 2023-2024-جىلدارى 276 شاقىرىم ارىق جەلىسىن جوندەۋ جۇمىستارى جۇرگىزىلىپ، 100 شاقىرىم جاڭا ارىق جەلىسى سالىنادى.

بۇگىن الماتىدا قاتتى نوسەر جاۋدى. جاڭبىر سۋى قالا كوشەلەرىن الىپ كەتتى.