ءماجىلىستىڭ 8-سايلانىم دەپۋتاتتارى رەسمي تىركەلدى
«ورتالىق سايلاۋ كوميسسياسى تىركەگەن ساتتەن باستاپ سىزدەردىڭ ق ر پارلامەنتى ءماجىلىسىنىڭ دەپۋتاتتارى رەتىندەگى وكىلەتتىكتەرىڭىز باستالدى. سىزدەر وسى ساتتەن باستاپ ەلىمىزدىڭ زاڭ شىعارۋ بيلىگىن جۇزەگە اسىراتىن ەڭ جوعارى وكىلدى ورگانى – ق ر پارلامەنتىنىڭ دەپۋتاتىسىزدار. بارشاڭىزدى حالىق قالاۋلىلارى اتانۋلارىڭىزبەن قۇتتىقتايمىن. ەڭبەكتەرىڭىز ۇلكەن تابىسقا ۇلاسسىن! حالىقتىڭ ريزاشىلىعىنا بولەنىڭىزدەر!»، - دەدى جاڭا سايلانعان دەپۋتاتتاردىڭ قاتىسۋىمەن وتكەن و س ك وتىرىسىندا كوميسسيا ءتورعاسى نۇرلان ءابدىروۆ.
ونىڭ اتاپ وتۋىنشە، ءماجىلىستىڭ 98 دەپتۋتاتى تىكەلەي سايلاۋ قۇقىعى نەگىزىندە سايلاندى.
«ياعني، سىزدەردى ازاماتتار تىكەلەي سايلادى. بۇل ءبىر جاعىنان سەنىمنىڭ جوعارى دەڭگەيى جانە وعان قوسا حالىق الدىنداعى ۇلكەن جاۋپكەرشىلىك ەكەنى ءسوزسىز»، - دەدى ول.
وسىدان كەيىن نۇرلان ءابدىروۆ جاڭا سايلانعان ءماجىلىس دەپۋتاتتارىنا كۋالىك پەن ومىراۋعا بەلگى تاپسىردى.