باتىس قازاقستاندا زاڭسىز «قوناققا كەلگەن» 8 تۇركيالىق ازامات ۇستالدى
ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، «ميگرانت» جەدەل الدىن الۋ ءىس- شاراسى بارىسىندا قازاقستان اۋماعىندا زاڭسىز جۇرگەن تۇركيا ازاماتتارى ۇستالدى.
«22- اقپان كۇنى اقساي قالاسىنداعى جەكە ۇيلەردىڭ بىرىندە تىركەلمەگەن جانە ۆيزاسى جوق 8 تۇركيالىق ازامات انىقتالدى. شەتەلدىكتەر مۇنى وزدەرىنىڭ بۇرىنعى جەرلەسىنە قوناققا كەلگەنىمەن ءتۇسىندىردى. ولارعا قاتىستى ق ر اكىمشىلىك قۇقىقبۇزۋشىلىق تۋرالى كودەكسى 517-بابى 4-بولىگىنە (شەتەلدىكتىڭ نەمەسە ازاماتتىعى جوق ادامنىڭ قازاقستان رەسپۋبليكاسىنىڭ حالىقتىڭ كوشى- قون سالاسىنداعى زاڭناماسىن بۇزۋى) سايكەس اكىمشىلىك حاتتاما تولتىرىلدى. بۇل باپ بويىنشا شەتەلدىكتەرگە 25 ا ە ك كولەمىندە ايىپپۇل سالىنۋى نەمەسە قازاقستان اۋماعىنان شىعارىلۋى مۇمكىن. سونىمەن قاتار شەتەلدىكتەردى قابىلداعان تۇرعىنعا قاتىستى 518-باپ 2-بولىگى (شەتەلدىكتەر مەن ازاماتتىعى جوق ادامداردى قابىلدايتىن جەكە نەمەسە زاڭدى تۇلعالاردىڭ قازاقستان رەسپۋبليكاسىنىڭ حالىقتىڭ كوشى- قونى سالاسىنداعى زاڭناماسىن بۇزۋى) بويىنشا اكىمشىلىك ماتەريال تولتىرىلدى. بۇل باپ بويىنشا شەتەلدىكتەردى قابىلداعان تۇرعىنعا 25 ا ە ك كولەمىندە ايىپپۇل سالىنۋى مۇمكىن. اتالعان ماتەريالدار بويىنشا شەشىمدى ءبورلى اۋدانىنىڭ اكىمشىلىك سوتى قابىلدايدى»، دەپ حابارلادى ۆەدومستۆودان.
ەسكە سالا كەتەيىك، بۇدان بۇرىن ورالدا نيگەريانىڭ 2 ازاماتى ۇستالعانىن جازعان بولاتىنبىز.
فوتو: ب ق و پ د باسپاءسوز قىزمەتى