قاراعاندى وبلىسى ت ج د باستىعى مۇرات قاتپانوۆتىڭ ايتۋىنشا، توتەنشە جاعداي كەزىندە ءۇيدىڭ تۇرعىنى 8-قاباتتىڭ بالكونىنان قۇلاپ كەتكەن، الايدا امان قالعان. ول اۋرۋحاناعا جەتكىزىلدى.
«قازىرگى ۋاقىتتا دياگنوزى جانە جاعدايى ناقتىلانۋدا»، - دەدى مۇرات قاتپانوۆ.
ەستەرىڭىزگە سالا كەتەيىك، 10-قاڭتاردا ساعات 21:29-دا قاراعاندى قالاسىندا رەسپۋبليكا داڭعىلى 18/2 مەكەنجايىندا ءورت بولىپ جاتقانى تۋرالى حابار كەلىپ ءتۇستى. جارىلىس 16 قاباتتى، 127 پاتەرلى تۇرعىن ۇيدە بولعان.
توتەنشە جاعداي 8-قاباتتا بولعان، پاتەردە گاز جارىلىپ، كەيىننەن ءورت شىعىپ، قاباتارالىق پليتا قيراعان (اۋدانى انىقتالۋدا). بارلاۋ بارىسىندا ءۇش ادامنىڭ دەنەسى تابىلدى (بولجام بويىنشا ەكى ەر ادام مەن ايەل).
توتەنشە جاعداي بولعان جەرگە وبلىس اكىمى ەرماعانبەت بولەكپايەۆ كەلىپ جەتتى. ول ەۆاكۋاتسيالانعان تۇرعىنداردى قوناقۇيلەرگە جەتكىزۋ بويىنشا جۇمىستار جۇرگىزىلىپ جاتقانىن حابارلادى.
«مەن قازىر جارىلىس بولعان ءۇيدىڭ جانىندا تۇرمىن. ءورت ءسوندىرىلدى. ءورت ءسوندىرۋ قىزمەتى جۇمىس ىستەپ جاتىر، اۆتوبۋستار كەلدى، ادامدار ەۆاكۋاتسيالاندى. ادامداردى قوناقۇيگە ورنالاستىرامىز، قازىر 35 ورىن دايىن»، - دەپ ناقتىلادى قاراعاندى وبلىسىنىڭ اكىمى ەرماعامبەت بولەكبايەۆ.