قازاقستاننىڭ 8 وبلىسىندا جول ءالى جابىق
10:23, 04 - قاڭتار 2023
استانا. قازاقپارات - قازاقستاننىڭ 8 وبلىسىندا كۇن رايىنىڭ قولايسىزدىعىنا بايلانىستى جول ءالى جابىق دەپ حابارلايدى قازاقپارات رەسپۋبليكالىق ماڭىزى بار اۆتوموبيل جولدارىنىڭ ۇلتتىق وپەراتورىنا سىلتەمە جاساپ.
كۇن رايى ءالى دە قولايسىز، سول سەبەپتى اقمولا، الماتى، شىعىس قازاقستان، جامبىل، قاراعاندى، قوستاناي، پاۆلودار جانە تۇركىستان وبلىستارىندا رەسپۋبليكالىق ماڭىزى بار اۆتوجولدار ءالى دە جابىق تۇر.
«ماسەلەن، رەسپۋبليكالىق ماڭىزى بار اۆتوجولداردىڭ 44 ۋچاسكەسىندە قوزعالىس شەكتەلدى. رەسپۋبليكالىق اۆتوجولدار جەلىسىندە، ونىڭ ىشىندە جابىق ۋچاسكەلەردە 541 بىرلىك ارنايى تەحنيكا مەن 829 جولشى مامان جۇمىس ىستەۋدە»، - دەلىنگەن حابارلامادا.