قازاقستاندا 8 كوللەدج جابىلدى
بۇل جايىندا ۆەدومستۆو Telegram پاراقشاسىندا ءمالىم ەتتى.
«ءبىلىم جانە عىلىم سالاسىندا ساپانى قامتاماسىز ەتۋ كوميتەتى وقۋ ورىندارىنىڭ ءبىلىم بەرۋ قىزمەتىنە مونيتورينگ جۇرگىزىپ، ءتيىستى ماتەريالدىق- تەحنيكالىق بازاسى جوق كوللەدجدەردى انىقتادى. ول وقۋ ورىندارىندا ساباق جۇرگىزىلمەگەن نەمەسە مەكتەپ تۇلەكتەرى سول كوللەدجدەرگە (ءبىرىنشى كۋرسقا) وقۋعا تۇسۋگە قىزىعۋشىلىق تانىتپاعان» دەلىنگەن حابارلامادا.
مىسالى، كوكشەتاۋ زاڭ كوللەدجى مەن تالدىقورعان زاڭ كوللەدجىندە ءبىلىم العان ستۋدەنتتەر تۇلەك اتانعان سوڭ، اتالمىش وقۋ ورىندارىنىڭ باسشىلىعى ليسەنزيالارىن ءوز ەركىمەن قايتارۋ تۋرالى شەشىم قابىلدادى. جالپى بارلىق جابىلعان كوللەدج ستۋدەنتتەرى باسقا وقۋ ورىندارىنا ۋاقىتىلى اۋىستىرىلدى جانە وقىتۋشىلارى جۇمىسپەن قامتاماسىز ەتىلدى. ق ر ب ع م كوللەدجدەردىڭ ءبىلىم قىزمەتىنە قاتىستى مونيتورينگ جۇمىستارىن جالعاستىرادى.