ولاردىڭ اراسىندا ءبىر بالا بار. بۇل تۋرالى ءوڭىردىڭ تەرگەۋ كوميتەتىنىڭ تەرگەۋ باسقارماسىنان ءمالىم ەتتى، دەپ حابارلايدى قازاقپارات تاسس اگەنتتىگىنە سىلتەمە جاساپ.
«12-قاڭتاردا قۇقىق قورعاۋ ورگاندارىنا ەكاتەرينبۋرگ قالاسىنداعى راسسۆەتنايا كوشەسىندە ورنالاسقان 9 قاباتتى تۇرعىن ۇيدە ءورت بولىپ جاتقانى تۋرالى حابار كەلىپ تۇسكەن. قولدا بار اقپارات بويىنشا ءورت سالدارىنان 8 ادام مەرت بولدى، ونىڭ ىشىندە 1 بالا بار»، - دەلىنگەن ۆەدومستۆو مالىمەتىندە.
قۇتقارۋشىلار ۇيدەن 90 ادامدى، ونىڭ ىشىندە توعىز بالانى ەۆاكۋاتسيالاعان. 1 جانە 2-دارەجەلى كۇيىك العان 17 جاستاعى جاس ءوسپىرىم اۋرۋحاناعا جاتقىزىلدى قايتىس بولعان بالا - 2013 -جىلى تۋعان قىز.
«بارلىعى 90 ادام (ونىڭ توعىزى- بالا) ەۆاكۋاتسيالاندى. ولاردىڭ 52 سى تىنىس الۋ اپپاراتى ماسكالارىنىڭ كومەگىمەن قۇتقارىلدى. اياز بولاندىقتان ەۆاكۋاتسيالانعان تۇرعىندار ءورت ءسوندىرۋ كولىكتەرىنە ورنالاستىرىلدى»، - دەلىنگەن اقپاراتتا.
ءورت اۋماعى 30 شارشى مەتردى قۇراعان. «ءورت سوندىرۋشىلەر ءورتتىڭ پاتەردەن تىس تارالۋىنا جول بەرمەدى. ماسكەۋ ۋاقىتىمەن ساعات 01:50-دە ءورتتىڭ تارالۋى توقتاتىلىپ، ساعات 02: 06-دا تولىعىمەن ءسوندىرىلدى. وعان توعىز ارنايى تەحنيكا، جەكە قۇرامنان 30 ادام جۇمىلدىرىلدى. ءورت ورنىندا جەدەل شتاب قۇرىلدى، وندا سۆەردلوۆ وبلىسى بويىنشا رەسەي ت ج م باس باسقارماسىنىڭ باستىعى، ىشكى قىزمەت گەنەرال- مايورى ۆيكتور تەريايەۆ بار»، - دەپ اتاپ ءوتتى ۆەدومستۆودا.
اۆتور: اياۋلىم التىنبەك