«بىزدە جاقسى جاڭالىق بار. كۇنى كەشە ءبىز قارجىلىق رەتتەۋ اگەنتتىگىنەن ءبىرىڭعاي زەينەتاقى تولەمىن پايدالانۋ بويىنشا ارنايى اعىمداعى شوتتاردى اشۋ جانە جۇرگىزۋ ءۇشىن ليتسەنزيا الدىق. ءبىز مۇنداي ليتسەنزيانى العان العاشقى بانك بولىپ وتىرمىز. ەگەر زەينەتاقى جيناعىن پايدالانۋ ەرەجەلەرى بۇگىن بەكىتىلسە، وندا 8-قاڭتاردا بارلىق نورماۆتيۆتى- قۇقىقتىق اكتىلەر قابىلدانىپ، 8-قاڭتاردا جۇمىستى باستاپ كەتەمىز»،- دەيدى ءلاززات يبراگيموۆا.
ەسكە سالساق، 2-قاڭتاردا ق ر پرەزيدەنتى زەينەتاقى جيناعىنىڭ ءبىر بولىگىن ماقساتتى پايدالانۋعا قاتىستى زاڭعا قول قويدى. قازاقستاندىقتاردىڭ زەينەتاقى جيناقتارىن پايدالانۋ ءۇشىن جاڭارتىلعان «جەتكىلىكتىلىك شەگى» جاريالاندى.
زەينەتاقى جيناعىن باسپاناعا جۇمساۋعا ارنالعان ونلاين- پلاتفورما ىسكە قوسىلادى. زەينەتاقى جيناعىنان الۋعا بولاتىن سوما ب ج ز ق سايتىندا اۆتوماتتى تۇردە كورسەتىلەدى.