اتموسفەرالىق فرونتتاردىڭ وتۋىنە بايلانىستى قازاقستان تەرريتورياسىندا تۇراقسىز اۋا رايى ساقتالادى.
ەلىمىزدىڭ وڭتۇستىگىندە جانە باتىسىندا كەي جەرلەردە جاۋىن-شاشىن جاۋادى، ال قالعان ايماقتاردا قار جاۋادى. كەي جەرلەردە تۇمان ءتۇسىپ، كوكتايعاق بولادى، تەك وڭتۇستىك-باتىستا جەل كۇشەيەدى.
سولتۇستىك قازاقستان وبلىسىنىڭ باسىم بولىگىندە تۇمان تۇسەدى، ال رەسپۋبليكانىڭ قالعان ايماقتارىندا كەي جەرلەردە تۇمان كۇتىلەدى.
الماتى، جامبىل، تۇركىستان، قىزىلوردا، مانعىستاۋ، اتىراۋ وبلىستارىنىڭ كەي جەرلەرىندە كوكتايعاق بولادى. مانعىستاۋ وبلىسىنىڭ كەي ايماقتارىندا جەل 15-20 م/س دەيىن كۇشەيەدى.