قازگيدرومەت: 8-ءساۋىر كۇنگى اۋا رايى بولجامى
ەلىمىزدىڭ قالعان اۋماعىندا جاۋىن-شاشىنسىز كۇن رايى كۇتىلەدى. كەي جەرلەردە تۇمان مەن ەكپىندى جەل ساقتالادى. وڭتۇستىكتە نايزاعاي ويناپ، بۇرشاق جاۋۋى ىقتيمال، دەپ حابارلايدى قازاقپارات.
«قازگيدرومەت» ر م ك- نىڭ مالىمەتىنە سايكەس، ماڭعىستاۋ، باتىس قازاقستان، قوستاناي، پاۆلودار، قاراعاندى، تۇندە الماتى، اتىراۋ، سولتۇستىك قازاقستان وبلىستارىنىڭ كەي جەرلەرىندە تۇمان كۇتىلەدى.
جامبىل وبلىسىنىڭ جەكەلەگەن اۋماقتارىندا تۇمان، جەلدىڭ ەكپىنى 15-23 م/س كۇشەيۋى كۇتىلەدى.
شىعىس قازاقستان وبلىسىنىڭ كەي جەرلەرىن تۇندە تۇمان باسىپ، كۇندىز جەلدىڭ جىلدامدىعى 15-20 م/س ارتاتىنى بولجانادى.
قىزىلوردا وبلىسىنىڭ كەي جەرلەرىندە جەل 15-23 م/س كۇشەيىپ، شاڭدى داۋىل كۇتىلەدى.
كۇندىز اقتوبە وبلىسىنىڭ كەي جەرلەرىندە جەلدىڭ كۇشى 16 م/س ارتۋى مۇمكىن.
تۇركىستان وبلىسىنىڭ كەي جەرلەرىندە جەل 15-20 م/س كۇشەيىپ، كۇندىز نايزاعاي، بۇرشاق جاۋۋى ىقتيمال.