ا ق ش- قا 8 ەلدىڭ ازاماتتارىنا كىرۋىنە تىيىم سالىندى

استانا. قازاقپارات - يران، يەمەن، ليۆيا، سيريا، سومالي جانە سۋدان، سولتۇستىك كورەيا جانە ۆەنەسۋەلا ازاماتتارىنا ا ق ش- قا كىرۋگە تىيىم سالىندى.

قۇراما شتاتتاردىڭ جوعارعى سوتى بۇنى زاڭدى دەپ تانىعان. سول-اق ەكەن، اق ءۇي الدىنا جۇزدەگەن ادام جينالىپ، بۇل تىيىمعا قارسىلىقتارىن ءبىلدىردى، دەپ حابارلايدى استانا ارناسى.

ايتا كەتەيىك، ا ق ش باسشىسى دونالد ترامپ پرەزيدەنتتىك قىزمەتىنە كىرىسكەن كەزدە، اتالعان ەلدەردىڭ ازاماتتارىنا ا ق ش- قا 90 كۇنگە دەيىن كىرۋگە بولمايدى دەگەن ۇكىم شىعاردى. الايدا سول كەزدە فەدەرالدى سوتتار ترامپتىڭ بۇل شەشىمىن جۇزەگە اسىرۋعا رۇقسات بەرمەدى.

قىركۇيەك ايىندا بۇل تىزىمگە ۆەنەسۋەلا، سولتۇستىك كورەيا جانە چاد قوسىلدى. ترامپتىڭ پىكىرىنشە، بۇل شەكتەۋلەردى ول امەريكالىقتاردىڭ قاۋىپسىزدىگى ءۇشىن ەنگىزىپ وتىر.

ويتكەنى ميگرانتتار اراسىندا قاراقشىلار مەن قىلمىسكەرلەر كوپ دەيدى.