قازاقستانداعى تۋريزم ماسەلەسىنە كەلگەن كەزدە كاسپي تەڭىزىنىڭ الاتىن ورنى ەرەكشە. اينالاسى ءتۇرلى مەملەكەتتەرمەن شەكتەسەتىن تەڭىز ارقىلى ەلىمىزگە ساياحات جاساپ كەلۋشى تۋريستەر دە بار. كاسپي تۋرالى نە ءبىلۋىمىز كەرەك؟
1. كاسپي تەڭىزىنىڭ اتاۋى وسى تەڭىزدى جاعاسىن مەكەندەگەن ەجەلگى «كاسپي» تايپالارىنىڭ قۇرمەتىنە اتالعان. گرۋزيا جەرىندە كاسپي اتاۋىنداعى قالا ءالى دە بار.
2. كاسپي تەڭىزىنە ءتان ەجەلدەن كەلە جاتقان اتاۋلار بار: «گيركان» ، «حازار» ، «حۆالىن» جانە ت. ب. تاريحي ەسىمدەردى مىڭجىلدىقتاردا ءومىر سۇرگەن تايپالار مەن حالىق قويىپ وتىرعان.
3. كاسپي تەڭىزى - جەر شارىنداعى كولگە دە تەڭىزگە دە ءتان ەرەكشەلىگى بار تەڭىز. تەڭىزدىڭ پايدا بولۋى نەوگەن داۋىرىنە ءتان. جەر قىرتىسىنىڭ كوتەرىلۋى ناتيجەسىندە قارا تەڭىزدەن ءبولىنۋ ارقىلى پايدا بولدى. نەوگەن ءداۋىرىن كاسپي تەڭىزىنىڭ قالىپتاسقان كەزەڭى دەپ اتاۋعا بولادى.
4. كاسپي تەڭىزىمەن بەس مەملەكەت شەكتەسەدى. ولار: قازاقستان، رەسەي، ازەربايجان، تۇركىمەنستان، يران. سونىمەن بىرگە تەڭىز جاعاسىندا 13 قالا ورنالاسقان. ازەربايجاننىڭ 6 قالاسى، قازاقستان، رەسەي، يران ەلدەرىنىڭ 2 قالاسى جانە تۇركىمەنستاننىڭ 1 قالاسى بار.
5. كاسپي تەڭىزى 371 مىڭ شارشى اۋماقتى الىپ جاتىر. ەگەر بۇل اۋداننىڭ ورنىندا مەملەكەت بولسا، وندا ول كارتادا 62 - ورىنداعى مەملەكەت رەتىندە تىركەلەتىن ەدى. تەڭىزدىڭ تەرەڭدىگى - 1025 مەتر. بۇل دەگەنىڭىز، ەيفەل مۇناراسىن ءبىرىنىڭ ۇستىنە ءبىرىن قويىپ، سۋعا سۇڭگىتىپ جىبەرۋگە بولادى دەگەن ءسوز.
6. 1719 -جىلعا دەيىن كاسپي تەڭىزىنىڭ تۇراقتى كارتاسى بولماعان. تەك 1719 -جىلى بەكوۆيچ- چەركاسسكو ەكسپەديتسياسىنىڭ ناتيجەسىندە بارىپ كارتانىڭ ناقتى سىزباسى جاسالدى.
7. تەڭىزدە تابيعي تىرشىلىكتىڭ 850 ءتۇرى ءومىر سۇرەدى. كاسپي تەڭىزىندەگى ەڭ كەرەمەت جانۋار ول - كاسپي يتبالىعى. كەلۋشى تۋريستەردىڭ ايتۋىنشا، تەڭىز يتبالىقتارى ادامدارمەن قاتار ءجۇزىپ، ويناق سالاتىن كورىنەدى. وكىنىشكە قاراي، قاىز ولاردىڭ سانى كۇرت ازايىپ، جوعالىپ كەتۋ الدىندا تۇر.
8. جەر بەتىندەگى ەڭ قىمبات ۋىلدىرىق «قارا ۋىلدىرىق» دەپ ويلاساڭىز، قاتەلەستىڭىز. 100 گرامم ءۇشىن 2000 ا ق ش دوللارىن سۇرايتىن جەر بەتىندەگى ەڭ قىمبات ۋىلدىرىق - اقسەركە بالىقتىڭ «الماس» اتالاتىن ۋىلدىرىعى. ول كاسپي تەڭىزىنىڭ يرانمەن شەكارالاس تۇسىندا ءومىر سۇرەدى.
Massaget.kz