پارلامەنت ءماجىلىسىنىڭ جانە ءماسليحات دەپۋتاتتارىن سايلاۋ ناۋقانىنا 8 ميلليارد تەڭگە بولىنەدى
10:51, 21 - قاڭتار 2016
استانا. قازاقپارات - ق ر پارلامەنت ءماجىلىسىنىڭ جانە ءماسليحات دەپۋتاتتارىن سايلاۋ ناۋقانىنا شامامەن 8 ميلليارد تەڭگە بولىنەدى.
بۇل تۋرالى بۇگىن ورتالىق سايلاۋ كوميسسياسىنىڭ ءتوراعاسى قۋاندىق تۇرعانقۇلوۆ ءمالىم ەتتى.
«ءماسليحات جانە ءماجىلىس دەپۋتاتتارىن سايلاۋدى بىرلەسىپ وتكىزۋ ارقىلى ءبىز بيۋدجەتتىك قاراجاتتى ەداۋىر ۇنەمدەيتىن بولامىز. ۇنەم كولەمى شامامەن 4,8 ميلليارد تەڭگەنى قۇراپ وتىر. جالپى سايلاۋ ناۋقانىنا ءبىز شامامەن 8 ميلليارد تەڭگە بولىنەدى دەپ قاراستىرىپ وتىرمىز»، - دەدى ول.
ونىڭ ايتۋىنشا، جالپى پارلامەنت ماجىلىسىنە 107 دەپۋتات، جەرگىلىكتى ءماسليحاتقا 3335 دەپۋتات سايلانادى.
ايتا كەتەيىك، ق ر پارلامەنت ءماجىلىسىنىڭ جانە ءماسليحات دەپۋتاتتارىن سايلاۋ 20- ناۋرىزعا، ق ح ا اتىنان ۇسىنىلاتىن دەپۋتاتتاردىڭ سايلاۋى 21- ناۋرىزعا بەلگىلەندى.
اۆتور: جاسۇلان جولدىبايەۆ